Bota

I njohur për trafik ndërkombëtar të drogës/ Arrestohet në Kolumbi bosi i Ndrangheta-s, i shpallur në kërkim nga INTERPOL-i

Gigliotti u arrestua nga Policia Kombëtare e Kolumbisë, pasi oficerët e Departamentit Operativ Hetimor të Karabinierëve në Bolonja analizuan dhe qarkulluan informacione nga EUROPOL. 

1 Dhjetor 2023, 10:44 Nga h.k
I njohur për trafik ndërkombëtar të drogës/ Arrestohet
Massimo Gigliotti

KOLUMBI-Massimo Gigliotti, një mafioz i arratisur italian pjesë e organizatës “Ndrangheta” është arrestuar në Kolumbi nga INTERPOL. 55-vjeçari kërkohej ndërkombëtarisht nga autoritetet italiane sipas një njoftimi për trafikim të sasive të mëdha të kokainës nga Amerika e Jugut në Europë.

Gigliotti u arrestua nga Policia Kombëtare e Kolumbisë, pasi oficerët e Departamentit Operativ Hetimor të Karabinierëve në Bolonja analizuan dhe qarkulluan informacione nga EUROPOL. Ata bashkëpunuan me njësitë I-CAN dhe INTERPOL në Lyon, me mbështetjen e një oficeri italian në Kolumbi, thuhet në njoftim. 

Drejtori i Mbështetjes dhe Analizës Operative të INTERPOL-it Cyril Gout tha:

“Përmes këtij arrestimi, I-CAN vazhdon të tregojë efektivitetin e saj në luftimin e një prej organizatave kriminale më të gjera dhe më të fuqishme në botë.Modeli I-CAN është ndërtuar në ofrimin e vendeve me një model bashkëpunimi që sjell vlerë të shtuar operacionale, veçanërisht në një kohë kur kërkohet veprim urgjent dhe i koordinuar global për të trajtuar krimin e organizuar transnacional.”

Financuar nga Departamenti Italian i Sigurisë Publike, I-CAN ngre ndërgjegjësimin dhe mirëkuptimin global për 'Ndrangheta dhe modus operandi', duke ndarë informacionin e policisë për të çmontuar rrjetet dhe operacionet e tyre dhe për të arrestuar të dyshuarit në kërkim. Nga fillimi i tij në 2020, I-CAN ka lehtësuar arrestimin e 93 të arratisurve në mbarë botën.

bosi i ndranghetta massimo gigliotti

Sondazh

Poll

MË SHUMË