Aktualitet

Merrnin makina me qira dhe i shisnin, në pranga punonjësi i DRSHTRR në Elbasan (EMRI)

Në pranga dhe një 38-vjeçar, Mariglen Zanuni, i cili bashkëpunoi me 3 shtetasit tashmë të vënë në pranga, për shitjen e 3 automjeteve që i morën me qera, të cilave i hoqën GPS dhe i falsifikuan dokumentet.

28 Nëntor 2023, 10:28 Nga A.B
Merrnin makina me qira dhe i shisnin, në pranga punonjësi i DRSHTRR
Policia

ELBASAN- Një tjetër punonjës i DRSHTRR-së ka rënë në pranga. Vihet në pranga 25-vjeçari, Rodrigo Lulaj, punonjësi tjetër i DRSHTRR Elbasan që u shpall në kërkim në kuadër të operacionit policor të koduar “Fraud”.

Në pranga dhe një 38-vjeçar, Mariglen Zanuni, i cili bashkëpunoi me 3 shtetasit tashmë të vënë në pranga, për shitjen e 3 automjeteve që i morën me qera, të cilave i hoqën GPS dhe i falsifikuan dokumentet.

NJOFTIMI I POLICISË:

DVP Elbasan/Vijon megaoperacioni policor "Sundimi i ligjit", për kapjen e shtetasve të shpallur në kërkim. Vihet në pranga 25-vjeçari, punonjësi tjetër i DRSHTRR Elbasan që u shpall në kërkim në kuadër të operacionit policor të koduar "Fraud". Në pranga dhe një 38-vjeçar, i cili bashkëpunoi me 3 shtetasit tashmë të vënë në pranga, për shitjen e 3 automjeteve që i morën me qera, të cilave i hoqën GPS dhe i falsifikuan dokumentet.

Si rezultat i veprimeve operacionale të zhvilluara në kuadër të operacionit "Sundimi i ligjit", për kapjen e shtetasve të shpallur në kërkim, në kuadër të operacionit policor të koduar "Fraud", dhe në vijim të veprimeve të thelluara hetimore procedurale, specialistët për Hetimin e Krimeve Ekonomike dhe Financiare kapen dhe vunë në pranga shtetasin R. L., 25 vjeç, punonjës i DRSHTRR, Elbasan, i shpallur në kërkim dy ditë më parë, në kuadër të këtij operacioni.

Gjithashtu, në vijim të veprimeve hetimore për këtë rast u kap dhe u vu në pranga shtetasi M. Z., 38 vjeç, banues në Elbasan.

Nga veprimet hetimore rezultoi se këta 2 shtetas në bashkëpunim me 2 shtetasit e tjerë të vënë në pranga (1 punonjëse e DRSHTRR Elbasan dhe shtetasi Th. B.), kanë shitur në kundërshtim me ligjin 3 automjete që pasi i morën me qera, iu hoqën GPS dhe i falsifikuan dokumentet. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme.

operacioni sundimi i ligjit rodrigo lulaj

Sondazh

Poll

MË SHUMË