Aktualitet

'Lekë sa të doni ju jep boli, po ha drekë me babën'/ Si e 'stërviti' Erzeni djalin për t'u ruajtur, Eralbi: Po më thotë hiqni telefonat, po hapen 'sky'

Eralbi u tregon se po drekonte me të atin, Erzenin, dhe ky i fundit i jepte instruksione si të ruhej, duke hequr telefonat pasi mund të përgjoheshin nga aplikacionet 'Sky'. 

23 Nëntor 2023, 10:11 Nga a.l
'Lekë sa të doni ju jep boli, po ha drekë me
Eralb dhe Erzen Breçani

TIRANË- Të tjera detaje janë zbuluar nga aktiviteti i grupit kriminal të trafikut të drogës, ku bënte pjesë edhe ish zv.drejtori i policisë në Tiranë, Erzen Breçani dhe djali i tij, Eralbi Breçani. Sipas dosjes së SPAK, në përgjimet e zbardhura në aplikacionin sky në datën 8 janar 2021, grupi, më konkretisht, Ismail Zeneli, Besmir Murati, Eralbi Breçani dhe përdoruesit të *D****P*, i paidentifikuar, bisedojë për një ngarkesë kokainë që pritet të kalonte nga Brazili. Eralbi u tregon se po drekonte me të atin, Erzenin, dhe ky i fundit i jepte instruksione si të ruhej, duke hequr telefonat pasi mund të përgjoheshin nga aplikacionet 'Sky'. 

Anëtarët e grupit kriminal pasi janë informuar nga Breçani, mes shakash me njëri-tjetrin urojnë që nëse arrestohen të bien në të njëjtin sektor burgu, për të bërë muhabet.

Biseda mes anëtarëve të grupit kriminal:

Ismail Zeneli: Na merr 25% për kuti. T’i kemi gjërat e qarta, marshallah mos e ngacmoni polin.

*D****P*, i paidentifikuar: Dajë nga Brazili nuk është sy, është pasqyrë, tek muri në fund, dopio mur.

Eralbi Breçani: Lek sa të doni, ju jep boli...po ha drekë me babën jam, ju bën të fala.

Besmir Murati: Të fala bëji

Eralbi Breçani: Të fala paçi, po më jep instruksione si të ruhemi, hiqni telefonat thotë, po hapen ‘sky’.

*D****P*, i paidentifikuar: Ka të drejtë. Për zotin gjëja e parë që kam mëndu kur është kap puna është ‘sky’.

Eralbi Breçani: Plaku më ka thënë para 2 javësh. Kanë ardhur dosje në Shqipëri për disa persona, edhe shqiptarë nga vendet latine, Europa dhe Anglia shumë. Po hetohen shumë persona dhe vetëm për këto ‘sky’ për Zotin. Ishalla biem në një sektor të gjithë bashkë bëjmë muhabet.

*D****P*, i paidentifikuar: O plak thuji babit shihe njëherë atë emrin tim

Ismail Zeneli: Të gjithë po punojmë me ‘sky’, nuk po dijmë gjë. 

eralbi brecani erzen brecani ismail zeneli besnmir murati

Sondazh

Poll

MË SHUMË