Aktualitet

Kontrolle në 'Myslym Shyr' dhe 'Rr. e Dibrës', shisnin bizhuteri kontrabandë, nën hetim 7 pronarë argjendarish

Në argjendari janë gjetur bizhuteri si varëse, byzylykë, unaza, etj, me mbishkrimin “Pandora”, të cilat nuk i justifikonin me fatura doganore dhe tatimore, dhe te dyshuara kontrabandë, ndërkohë që këto subjekte nuk kane te drejte te tregtojnë bizhuteri të markës “Pandora” pasi është marke e mbrojtur.

23 Nëntor 2023, 09:10 Nga a.l
Kontrolle në 'Myslym Shyr' dhe 'Rr. e Dibrës',
Policia

TIRANË- Sektori Kundër Krimit Ekonomik në DVP Tiranë ka proceduar penalisht pronarët e 7 argjendarive në kryeqytet. Ata shisnin bizhuteri të kontrabanduara. Ne këto argjendari te administruara prej personave te lartpërmendur, janë gjetur bizhuteri si varëse, byzylykë, unaza, etj, me mbishkrimin “Pandora”, të cilat nuk i justifikonin me fatura doganore dhe tatimore, dhe te dyshuara kontrabandë, ndërkohë që këto subjekte nuk kane te drejte te tregtojnë bizhuteri të markës “Pandora” pasi është marke e mbrojtur.

NJOFTIMI I PLOTË:

Tiranë/Finalizohet operacioni policor i koduar “Second hand”.

Operacioni i zhvilluar nga Sektori për Hetimin e Krimit Ekonomik dhe Financiar në Drejtorinë Vendore të Policisë Tiranë, në bashkëpunim me Sektorin e Forcës së Posaçme të Operacioneve Speciale dhe Kërkimit, nën drejtimin e Prokurorisë së Rrethit Gjyqësor Tiranë.

Tregtonin sende me vlerë (bizhuteri) të një marke të mbrojtur, të dyshuara të kontrabanduara, për të cilat nuk dispononin fatura doganore dhe tatimore, procedohen penalisht 7 shtetas.

Specialistët e Sektorit për Hetimin e Krimit Ekonomik dhe Financiar, në bashkëpunim Sektorin e Forcës së Posaçme të Operacioneve Speciale dhe Kërkimit, në vijim të punës dhe goditjeve të njëpasnjëshme për parandalimin, evidentimin dhe goditjen e veprimtarisë kriminale në fushën e kontrabandës me mallra, finalizuan operacionin policor të koduar “Second hand”.

Në kuadër të tij u proceduan penalisht shtetasit G. S., 36 vjeç, F. D., 27 vjeç, M. B., 44 vjeçe, I. B., 37 vjeçe, F. S., 29 vjeç, I. I., 33 vjeç, F. A., 46 vjeç, të gjithë banues në Tiranë.

Këta shtetas tregtonin në 7 dyqanet e tyre, tregtonin sende me vlerë (bizhuteri) të një marke të mbrojtur, të dyshuara të kontrabanduara, për të cilat nuk dispononin fatura doganore dhe tatimore.

Në cilësinë e provës materiale janë sekuestruar sasi të konsiderueshme të sendeve me vlerë.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme procedurale.

argjendari ne tirane

Sondazh

Poll

MË SHUMË