Politike

Agron Shehaj: Qeveria kërkon t’ja bëjë rrogën 100 mijë Euro në vit gjyqtarëve të Kushtetueses

Shehaj u pyet përse opozita nuk e dërgon në Kushtetuese moslejimin nga Parlamenti të ngritjes së komisioneve hetimore që kërkon.

6 Nëntor 2023, 22:54 Nga I.A
Agron Shehaj: Qeveria kërkon t’ja bëjë rrogën 100
Agron Shehaj

TIRANË- Deputeti opozitar Agron Shehaj ka deklaruar se qeveria parashikon që të rrisë rrogat e gjyqtarëve të Gjykatës Kushtetuese deri në 100 mijë Euro në vit. I ftuar në emisionin 'Opinion' në Tv Klan, Shehaj u pyet përse opozita nuk e dërgon në Kushtetuese moslejimin nga Parlamenti të ngritjes së komisioneve hetimore që kërkon. Por Shehaj u shpreh skeptik për vendimet e Kushtetueses, që janë në favor të opozitës.

Pjesë nga intervista:

Agron Shehaj: Gjykata Kushtetuese është një çështje komplet tjetër. Gjykata Kushtetuese, po të shikosh gjithë vendimet, kam bërë një fjalim para disa javësh në parlament lidhur me dëshirën e madhe të kësaj mazhorance për t’i rritur rrogat Gjykatës Kushtetuese sa një gjyqtar do arrijë të fitojë deri në 100 mijë Euro në vit.

Blendi Fevziu: 100 mijë Euro në vit?

Agron Shehaj: 100 mijë Euro në vit. Rroga totale, e kanë 50 tani, kryetari nëse s’gaboj, një prej tyre do arrijë deri në 100 mijë Euro në vit.

Blendi Fevziu: Rrogë shtetërore?

Agron Shehaj: Rrogë. Shtetërore. Nuk e di nëse kanë benefite të tjera. Rrogë rreth 100 mijë Euro në vit. Flasim për një Gjykatë Kushtetuese që po të shikosh të gjitha vendimet janë pothuajse të gjitha në favor të qeverisë.

agron shehaj

Sondazh

Poll

MË SHUMË