Aktualitet

Shtyhet seanca për statutin e Partisë Demokratike, avokati i Bashës kërkon përjashtimin e gjyqtarit

Edhe pse gjykata u la 2 ditë kohë për paraqitje shtesë të dokumenteve për të vërtetuar zhvillimin e Këshillit Kombëtar nga ana e Bardhit, përfaqësuesit thanë në gjykatë se nuk është procesi në fjalë për të sjell këto dokumente.

3 Nëntor 2023, 09:51 Nga A.B
Shtyhet seanca për statutin e Partisë Demokratike, avokati i
Seanca

TIRANË-Gjykata Civile ka rrëzuar kërkesën e përfaqësuesve të grupit të vulës së Lulzim Bashës për dorëzimin e dokumentacioneve shtesë nga grupi i Gazment Bardhit, të bërë në seancën e datës 1 nëntorit.

Edhe pse gjykata u la 2 ditë kohë për paraqitje shtesë të dokumenteve për të vërtetuar zhvillimin e Këshillit Kombëtar nga ana e Bardhit, përfaqësuesit thanë në gjykatë se nuk është procesi në fjalë për të sjell këto dokumente. Sipas vlerësimit të gjykatës, në dosje ka dokumentacione të mjaftueshëm dhe me këtë arsyetim u rrëzua pala e Bashës. Për shkak të këtij vendimi, përfaqësuesi i Lulzim Bashës, Indrit Sefa, kërkoi përjashtimin e gjyqtarit Niko Rrapi.

“Po tregoheni tërësisht i anshëm në këtë proces”-tha Sefa për gjykatësin.

DISKUTIMET në seancën gjyqësore

Sefa: Kemi dyshime së Këshilli Kombëtar i datës 27 i mbledhur online nuk është mbledhur kurrë...

Gjykata: Nuk është kjo objekt i gjykimit tonë.

Sefa: Ne kemi dyshime të arsyeshme se në dosje mungon dokumentacioni i nevojshëm për të legjitimuar procesin. Ne na rezulton që mos të jetë mbledhur Këshilli Kombëtar, pasi nuk mbështetet askund në legjislacion. Ne kemi dyshime të arsyeshme se kjo mbledhje nuk ekziston dhe jemi në kushtet e falsifikimit të dokumenteve.

Seanca e radhës u vendos në datë 13 nëntor, ora 15:00./Dosja.al

gjyqi per pd

Sondazh

Poll

MË SHUMË