Sport

Xavi: “Lojtarët e Barcelonës duhet të kenë një mentalitet shumë të fortë”

“Ne jemi ende të pamposhtur, por do të donim të tregonim më shpesh nivelin e lojërave tona si kundër Betis, Antwerp dhe Sevilla”, zbuloi ai.

8 Tetor 2023, 09:35 Nga DOSJA
Xavi: “Lojtarët e Barcelonës duhet të kenë një

SPANJE - Trajneri i Barcelonës, Xavi Hernandez, ka folur në konferencën për shtyp para ndeshjes së sotme në La Liga me Granadën, me fillimin në orën 21:00.

“Duhet të kthehemi në nivelin tonë të lojës dhe të jemi kërkues ndaj vetes. Është e vërtetë që kemi dy barazime deri tani dhe kjo nuk është aspak pozitive. Jemi ende të pamposhtur, por do të donim të tregonim më shpesh nivelin e lojërave tona si kundër Betis, Antwerp dhe Sevillas. Herë na mungon kontrolli dhe herë të tjera nuk ka rregull. Megjithatë, kjo nuk është për shkak të mungesës së karakterit”,- është shprehur Xavi.

“De Jong? Këtu ka një tendencë për të nënvlerësuar gjithçka. Një lojtar që është një "tetë" në sistemin me dhjetë pike, konsiderohet "gjashtë" dhe një "dhjetë" konsiderohet një "tetë". Prandaj, lojtarët e Barçës duhet të kenë një mentalitet shumë të fortë”,- vazhdoi ai.

“Kjo nuk ndodh në klubet e tjera. E ndjej kur flas me lojtarët. Frankie është ndër mesfushorët më të mirë në botë dhe kjo shfaqet çdo ditë. Kushdo që thotë të kundërtën nuk ka qenë kurrë këtu”, shtoi trajneri i katalanasve.

B.T (Dosja.al)

Sondazh

Poll

MË SHUMË