Sport

AZ Alkmaar-Legia vazhdon diplomatikisht! Varshava thërret ambasadorin holandez për arrestimin e lojtarëve të Legias...

Varshava thirri ambasadorin holandez të shtunën, për të shprehur pakënaqësinë e saj, pas arrestimit të lojtarëve të Legias të enjten pas ndeshjes së Europa Conference League në AZ Alkmaar (1-0).

8 Tetor 2023, 08:30 Nga DOSJA
AZ Alkmaar-Legia vazhdon diplomatikisht! Varshava thërret ambasadorin
Radovan Pankov i Legias, kaloi disa orë në paraburgim nga policia holandeze, të enjten në mbrëmje

POLONI - Varshava thirri ambasadorin holandez të shtunën, për të shprehur pakënaqësinë e saj për arrestimit të dy lojtarëve të Legia Varshavës, Josué Pasqueira dhe Radovan Pankov, të enjten gjatë përleshjeve në fund të ndeshjes së Conference League ndërmjet AZ Alkmaar në Legia Varshavë (1-0), duke denoncuar “paragjykimet” ndaj polakëve.

“Kanë ndodhur situata të papranueshme gjatë të cilave tifozët polakë, zyrtarët dhe lojtarët e klubit të Legia Varshavës iu nënshtruan dhunës fizike dhe verbale”,- tha Ministria e Punëve të Jashtme polake në një deklaratë. 

“Nga dëshmitë e viktimave është e qartë se veprimet e kryebashkiakut të Alkmaar-it dhe në veçanti të policisë lokale mund të interpretohen si të karakterizuara nga paragjykimi kombëtar”,- vijon njoftimi për shtyp i publikuar pas thirrjes së mëngjesit të ambasadores holandeze Daphne Bergsma.

Të liruar të premten, por nën hetim, Pasqueira dhe Pankov dyshohet se kanë sulmuar, pas ndeshjes, dy anëtarë të stafit të klubit holandez që kërkonin "vëmendje mjekësore", sipas policisë holandeze .

Në Varshavë, ky arrestim shkaktoi reagime në nivelin më të lartë, me kryeministrin Mateusz Morawiecki, në mes të fushatës elektorale, duke thënë se ai ishte "i skandalizuar". "Unë jam duke pritur për një raport shumë të qartë nga Holanda ," tha ai të premten.

B.T (Dosja.al)

Sondazh

Poll

MË SHUMË