Sport

VIDEO/ Shpëton Ten Haag, te Manchester United vazhdon versioni “Fergie Time”, Chelsea i jep vetes pak ajër të pastër...

Manchester United ka pritur kohën shtesë për të shënuar dy golat e tij dhe për të fituar ndaj Brentford (2-1). Erik Ten Hag sigurisht që shpëtoi kokën.

8 Tetor 2023, 08:00 Nga DOSJA

VIDEO/ Shpëton Ten Haag, te Manchester United vazhdon versioni

ANGLI - Thjesht po diskutonim të ardhmen e Erik ten Hag në krye të Manchester United. Në fillimin e kohës së shtuar të ndeshjes, Manchester United ishte i fundosur kundër Brentford (1-0) dhe e ardhmja e Erik Ten Hag, ishte në dyshim në agimin e këtij pushimi ndërkombëtar.

Por Scott McTominay, i ardhur nga pankina në minutën e 88-të, “fëmija i shtëpisë”, arriti të shënojë dy gola në fund (90’+3, 90’+7) dhe i dha fitoren klubit të tij më një rikthim perfekt, të ashtuquajtur "Fergie Time". 

Manchester nuk është dorëzuar si në ditët e mira të vjetra, por kjo nuk do të thotë se të gjitha problemet janë zgjidhur. Goli i shënuar nga Brentford i përmbledh ato në mënyrë perfekte: humbja e topit nga Casemiro, puna katastrofike e mbrojtjes kolektive dhe një gabim i madh me dorë nga André Onana, e lejuan Jensen të shënonte 1-0 për Brentford me një goditje në buzë të zonës (26’).

Ky nuk është “faji” i parë i portierit kamerunian që nga ardhja e tij. Dhe ai duhet të ketë menduar për këtë në momentin kur bëri dy pritje të shkëlqyera (83’, 84’) për të penguar kundërshtarët të dyfishonin epërsinë: në atë moment, ai nuk tregoi asnjë shenjë kënaqësie, sigurisht i ndikuar ende nga gabimi i tij më parë. Por këto shpëtime të Onanës u pane kur “fëmija nga shtëpia e kuqe” doli nga pankina... dhe skocezi McTominay shpëtoi ekipin e tij dhe sigurisht lëkurën e trajnerit të tij Ten Haag.

Mauricio Pochettino kishte shumë më pak probleme në Burnley (4-1) edhe nëse Chelsea ishte prapa. Ish-trajneri i PSG-së po merr frymë pas një fillimi të komplikuar të sezonit. Ai me siguri mund të falënderojë Rahim Sterling, pothuajse i pandalshëm për kundërshtarët e tij. Krosimi i tij i devijuar, i lejoi “Blutë” të barazojnë 1-1 në fund të pjesës së parë (42’), më pas ai fitoi një penallti të konvertuar nga Palmer (50’), i cili më pas shënoi vetë (65’), ndërkohë që Nicolas Jackson vulosi 4-1 ndeshjen me një gjest teknik të bukur (74’).

B.T (Dosja.al)

Sondazh

Poll

MË SHUMË