Aktualitet

Digjte mbetjet spitalore pranë kopshtit të fëmijëve, administratori në Peqin ndiqet penalisht

Policia menjëherë pas raportimit të ngjarjes e ka ndjekur penalisht 38-vjeçarin, i cili rezulton administrator i një firme private.

7 Tetor 2023, 12:46 Nga h.k
Digjte mbetjet spitalore pranë kopshtit të fëmijëve,
Foto ilustruese

PEQIN-Një 38-vjeçar është proceduar penalisht në Peqin, pasi dyshohet se hidhte dhe digjte pranë një kopshti fëijësh mbetje spitalore. Policia menjëherë pas raportimit të ngjarjes e ka ndjekur penalisht 38-vjeçarin, i cili rezulton administrator i një firme private. Policia po punon për veprime të mëtejshme hetimore.

NJOFTIMI I POLICISË

U dogjën mbetje spitalore që ishin hedhur në kundërshtim me ligjin, në afërsi të një kopështi fëmijësh, procedohet penalisht administratori i firmës private, përgjegjëse për menaxhimin e këtyre mbetjeve.

Menjëherë pas transmetimit në emisionin investigativ “Stop”, të një rasti të djegies së mbetjeve spitalore të hedhura në afërsi të një kopështi fëmijësh, në fshatin Shezë, specialistët për Hetimin e Krimeve të Komisariatit të Policisë Peqin kanë kryer të gjitha veprimet e nevojshme hetimore dhe procedurale për të nxjerrë përpara përgjegjësisë penale shtetasit përgjegjës për këtë rast.


Si rezultat, u referuan materialet në Prokurori ku nisi procedimi në gjendje të lirë për shtetasin E. Sh., 38 vjeç, banues në Tiranë, me detyrë administrator i firmës private përgjegjëse për menaxhimin e këtyre mbetjeve.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme, për veprën penale “Menaxhimi i mbetjeve”

Drejtoria Vendore e Policisë Elbasan falënderon mediat dhe qytetarët që denoncojnë rastet e paligjshmërive dhe i fton sërish ata që të denoncojnë çdo rast të tillë, në numrin 112, duke iu garantuar anonimat të plotë, reagim të menjëhershëm dhe të paanshëm.

mbetje spitalore ne peqin

Sondazh

Poll

MË SHUMË