Sport

Klopp i zemëruar: "Nuk kam parë ndeshje me kaq episode të diskutueshme si kjo"...

"Nuk kam qenë kurrë kaq krenar për ekipin tim se sa sot”

1 Tetor 2023, 07:45 Nga DOSJA
Klopp i zemëruar: "Nuk kam parë ndeshje me kaq episode të

ANGLI - Pas humbjes kundër Tottenhamit (1-2), ku Liverpool luajti me 9 lojtarë në fushë për më tepër se 20 minuta, Jurgen Klopp ka folur pas ndeshjes për “Sky Sport”. Trajneri gjerman i “Reds” është shprehur, se skuadra e tij është dëmtuar edhe nga episodet e diskutueshme të arbitrazhit.

"Nuk kam qenë kurrë kaq krenar për ekipin tim se sa sot. Nuk kam parë kurrë një ndeshje me kaq shumë episode të padrejta si kjo, ka pasur raste të çmendura. Ne shënuam një autogol dhe është shumë e vështirë të gëlltitet, por unë jam shumë krenar për të gjithë.

Në kartonin e kuq të parë, Curtis Jones po shkonte drejt topit, por nuk ishte një ndërhyrje e keqe. Ajo duket ndryshe me lëvizje të ngadaltë, ai ishte i pafat. Për Diogo Jota, i pari nuk është kurrë një karton i verdhë. Më pas ai merr të dytin, sepse mbrohet me tetë lojtarë pas tij."

Edhe për golin e anuluar të Luiz Diaz për pozicion jashtë loje, trajneri Klop është shprehur se gjyqtarët gabuan. "Topi është në mes këmbëve të Salah, por ata hodhën një vijë të gabuar. Ju nuk e gjykoni momentin kur Mo e pasonte topin saktë. Është diçka e vështirë për t'u tretur."

B.T (Dosja.al)

Sondazh

Poll

MË SHUMË