Aktualitet

Kontrolle në Rinas, procedohet kinezi dhe turku, kapen me mijëra euro të padeklaruara

Një 36-vjeçar turk tentoi të hynte me 17 020 euro në hyrje të Rinasit ndërsa një kinez tentoi të dilte me 11 820 euro dhe 1900 dollarë.

30 Shtator 2023, 09:25 Nga A.B
Kontrolle në Rinas, procedohet kinezi dhe turku, kapen me mijëra euro
Parate

TIRANË- Policia kufitare ka goditur dy raste të mosdeklarimit të parave në kufi duke sekuestruar në total shifrën 28 840 euro dhe 1900 dollarë. Një 36-vjeçar turk tentoi të hynte me 17 020 euro në hyrje të Rinasit ndërsa një kinez tentoi të dilte me 11 820 euro dhe 1900 dollarë.

Kontrolle në Rinas, procedohet kinezi dhe turku, kapen me mijëra euro

NJOFTIMI:

Rinas/Kontrolle të shtuara për parandalimin, evidentimin dhe goditjen e krimeve kufitare.Si rezultat i kontrolleve, goditen 2 raste të mosdeklarimit të të hollave, në kufi. Sekuestrohen në total 28 840 euro dhe 1900 dollarë.

Procedohet penalisht 36-vjeçari (shtetas turk) që nuk deklaroi 17 020 euro, në hyrje të RSh-së. Procedohet penalisht 50-vjeçari (shtetas kinez) që nuk deklaroi 11 820 euro dhe 1900 dollarë, në dalje të RSh-së. Shërbimet e Policisë Kufitare Rinas, në vijim të kontrolleve për parandalimin, evidentimin dhe goditjen e krimeve ndërkufitare, bazuar në analizën e riskut, kanë kaluar në vijën e dytë, për kontroll më të detajuar, shtetasit D. C. dhe L. D.

Gjatë kontrolleve në hyrje të RSH-së, shtetasit turk D. C., 36 vjeç, i janë gjetur 17 020 euro, të cilat ai nuk i kishte deklaruar në kufi, sipas përcaktimeve ligjore.
 Gjithashtu, në dalje të RSH-së, shtetasit L. D., 50 vjeç, i janë gjetur 11 820 euro dhe 1900 dollarë, të cilat ai nuk i kishte deklaruar në kufi, sipas përcaktimeve ligjore në fuqi.

Shumat e parave u sekuestruan në cilësinë e provës materiale. Në vijim të veprimeve, nisi procedimi në gjendje të lirë për shtetasit D. C., 36 vjeç dhe L. D., 50 vjeç, për veprën penale "Mosdeklarimi në kufi i të hollave dhe i sendeve me vlerë". Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.

kontrolle ne rinas

Sondazh

Poll

MË SHUMË