Aktualitet

Deklaroi se u dhunua nga efektivët, reagon policia: Pretendimet e qytetarit janë të pavërteta

Ndërkohë që, policia në një reagim ka mohuar pretendimet dhe ka theksuar i riu me iniciale A.T është trajtuar konform ligjit dhe të gjitha rregullave.

27 Shtator 2023, 16:19 Nga I.A
Deklaroi se u dhunua nga efektivët, reagon policia: Pretendimet e qytetarit
Policia

TIRANË- Policia ka ka mohuar deklaratën e një të riu ditën e sotme, i cili akuzoi policinë për dhunë. i riu në një video të JOQ Albania u shpreh se është dhunuar nga policia. Ndërkohë që, policia në një reagim ka mohuar pretendimet dhe ka theksuar i riu me iniciale A.T është trajtuar konform ligjit dhe të gjitha rregullave.

Njoftimi i Policisë:

Reagim i DVP Tiranë Në lidhje me një video të postuar ditën e sotme, në portalin "JOQ", në të cilën shfaqet një shtetas që deklaron se është dhunuar nga Policia, ju sqarojmë se: Pretendimet e shtetasit A. T., që shfaqet në video, nuk janë të vërteta. Ky shtetas është ndaluar nga shërbimet e Policisë, më datë 22.09.2023, dhe më datë 23.09.2023, Gjykata e Shkallës së Parë e Juridiksionit të Përgjithshëm Tiranë i ka caktuar masën e sigurisë “Detyrimi për t’u paraqitur në Policinë Gjyqësore". Gjatë qëndrimit në ambientet e Bllokut të Sigurisë, shtetasi A. T. është trajtuar konform ligjit dhe të gjitha rregullave sipas Procedurës Standarde Nr. 925, të datës 18.07.2019. Gjatë kohës së qëndrimit në këtë ambient, ky shtetas ka shfaqur sjellje normale dhe kur është larguar nga aty, ka falënderuar punonjësit e Policisë, për korrektësinë dhe shërbimin që i kanë ofruar.

policia

Sondazh

Poll

MË SHUMË