Aktualitet

VIDEO+FOTO/ U vra nga serbët, mbahen homazhe në Tiranë për nder të policit Afrim Bunjaku

Mësohet se qytetarë të shumtë janë mbledhur në sheshin Nënë Tereza, ku me foto të efektivit hero të Kosovës kanë ndezur qirinjë.

25 Shtator 2023, 19:18 Nga I.A
VIDEO+FOTO/ U vra nga serbët, mbahen homazhe në Tiranë për
Homazhet

TIRANË- Homazhe në nder të efektivit të vrarë në Kosovë Afrim Bunjaku janë mbajtur ditën e sotme në Tiranë. Mësohet se qytetarë të shumtë janë mbledhur në sheshin Nënë Tereza, ku me foto të efektivit hero të Kosovës kanë ndezur qirinjë.

Qytetaët te fotot e efektivit, që u vra dy ditë më parë nga forcat serbe në Kosovë, kanë vendosur dhe lule. Ndërkohë që qytetarët nuk kanë ngurruar që të marrin flamuj të UÇK-së.


Çfarë ndodhi të dielën e 24 shtatorit?

Një pjesëtar i Policisë së Kosovës u vra dhe 3 u plagosën në përleshjet me një grup të armatosur në veri të vendit. Rreshteri Bunjaku u vra në pritën që grupi i armatosur  kishte zënë herët në mëngjes në hyrje të fshatit Banjskës në Zveçan. Gjatë shkëmbimit të zjarrit u plagosën edhe 2 policë të tjerë. Më pas grupi i armatosur prej 30 anëtarësh u vendos në manastirin e Banjskës ku për orë të tëra, gjatë gjithë ditës së dielë u shkëmbyen të shtëna me policinë. Në mbrëmje ministri i Brendshëm i Kosovës deklaroi se tre sulmues u vranë, ndërsa gjashtë persona të tjerë, që dyshohet se ishin të lidhur me ta, u arrestuan. Gjithashtu ishin sekuestruar sasi të madhe armatimi.

afrim bunjaku tensione në veri të kosovës

Sondazh

Poll

MË SHUMË