Sport

Daku në lot: “Kjo më shumë se një Kupë Bote, kur sheh kaq njerëz duke na përkrahur”

Mirlind Daku debutoi me kombëtaren e Shqipërisë në barazimin 1-1 ndaj Çekisë në Pragë.

8 Shtator 2023, 08:00 Nga DOSJA
Daku në lot: “Kjo më shumë se një Kupë Bote, kur

ÇEKI - Sulmuesi nga Gjilani, i cili luan në Rusi me Rubin Kazan, u përlot në prononcimin për emisionin “KUQEZI” në SuperSport. Ndër të tjera, futbollisti debutues me fanelën kuqezi të Shqipërisë tha:

“Jam pa fjalë, isha totalisht i emocionuar që arrita të debutoja me Kombëtaren shqiptare. Për mua është një arritje shumë e madhe. Dhe për familjen time, që kemi luftuar deri në këtë moment…

Lotët? 

“Për këtë arsye luftojmë që të bëjmë krenar popullin tonë. Një popull që ka ardhur me mjaft sakrifica deri në këtë ditë. Kjo është më shumë se një Kupë Bote kur sheh gjithë ata njerëz duke na përkrahur”. 

Rasti për të shënuar golin e dytë? 

“Mendova ta shtyja topin te Nedimi (Bajrami). Por mendova se ishte offside dhe vendosa të pasoja te Muja. Nuk deshi Zoti që të shënonim… Shpresoj që ndeshjet e ardhshme do të jemi më syhapur”, deklaroi Daku.

B.T (Dosja.al)

Sondazh

Poll

MË SHUMË