Aktualitet

U përplas nga makina! Humb jetën 6-vjeçari, arrestohet shoferi në Kavajë

Aksidenti i rëndë dodhi mbrëmjen e djeshme në lagjen nr.1 të Kavajës, kur fëmija teksa ecte më këmbë u shtyp nga makina.

2 Shtator 2023, 12:15 Nga f.i
U përplas nga makina! Humb jetën 6-vjeçari, arrestohet shoferi
foto ilustruese

KAVAJË- Një fëmijë 6 vjeç ka humbur jetën në spital, disa orë pasi u përplas nga një makinë që drejtohej nga një 25-vjeçar, Klajdi Spanjolli.

Aksidenti i rëndë dodhi mbrëmjen e djeshme në lagjen nr.1 të Kavajës, kur fëmija teksa ecte më këmbë u shtyp nga makina.

Njoftimi i policisë:

Policia ka arrestuar në flagrancë shtetasin K. S., 25 vjeç, për veprën penale “Shkelja e rregullave të qarkullimit rrugor”, me pasojë vdekjen e një personi. 

Mbrëmjen e djeshme, në lagjen nr. 1, Kavajë, automjeti tip “Volkswagen” që drejtohej nga 25-vjeçari, ka përplasur një shtetas 6 vjeç (këmbësor), i cili për shkak të dëmtimeve të marra, ka humbur jetën në spital.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.

vdes 6-vjecari ne kavaje aksident ne kavaje

Sondazh

Poll

MË SHUMË