Aktualitet

Far West në Athinë, shqiptari dy-luftim me armë me 35-vjeçarin grek

Të shtunën u mendua se sherri përfundoi aty, por në orët e para të ditës së sotme, shqiptari ka shkuar i armatosur në të njëjtin vend duke hapur zjarr ndaj 35-vjeçarit grek dhe duke e plagosur në këmbë.

29 Gusht 2023, 19:28 Nga I.A

Far West në Athinë, shqiptari dy-luftim me armë me

Policia greke

GREQI- Një sherr me motive të dobta ka ndodhur në Greqi ku një shqiptar është plagosur me një plumb në kokë. Ieidiseis shkruan se ngjarja ka ndodhur në lagjen Menidi të Athinës, ku shqiptari ka shkuar në një festë në momentin që po mblidheshin karriget.

Aty papritur ka filluar një sherr mes tij dhe dy personave të tjerë. Në sherr ka hyrë dhe një 35-vjeçar grek, i punësuar në një dyqan akulloresh i cili ka goditur në fytyrë shqiptarin. Të shtunën u mendua se sherri përfundoi aty, por në orët e para të ditës së sotme, shqiptari ka shkuar i armatosur në të njëjtin vend duke hapur zjarr ndaj 35-vjeçarit grek dhe duke e plagosur në këmbë.

Duke u larguar, shtetasi shqiptar është përplasur me një kalimtar duke i rënë arma nga dora. Armën ka arritur ta marrë 35 vjeçari grek i cili ka hapur zjarr ndaj shqiptarit duke e plagosur rëndë në kokë. Të dy janë transportuar në spital, ku greku është jashtë rrezikut për jetën. Ndërsa shqiptari ndodhet në gjendje shumë të rëndë shëndetësore. I riu me origjinë nga Fieri, rezulton person me precedentë të rëndë penal dhe ka dalë së fundmi nga burgu.

far west far west ne greqi