Aktualitet

EMRI/ Ndezi zjarr në tokën e tij dhe dogji 15 ha sipërfaqe pylli, arrestohet autori në Belsh

Mësohet se Lici ndezi zjarr ditën e djeshme në tokën e tij, i cili doli jashtë kontrollit.

27 Gusht 2023, 09:35 Nga I.A
EMRI/ Ndezi zjarr në tokën e tij dhe dogji 15 ha sipërfaqe pylli,
Policia

BELSH- Kujtim Lici është arrstuar në Belsh poër zjarrvënie. Mësohet se Lici ndezi zjarr ditën e djeshme në tokën e tij, i cili doli jashtë kontrollit. Si pasojë e zjarrit janë djegur 15 hektarë sipërfaqe pylli në fshatin Lisaj dhe sipërfaqe të tjera të mbjella me pemë frutore. 

Njoftimi i Policisë:

Lisaj, Belsh Ndezi zjarr në tokën e tij, dhe si pasojë u dogjën një sipërfaqe e pyllit në fshatin Lisaj dhe sipërfaqe të tjera të mbjella me pemë frutore, identifikohet dhe arrestohet autori. Shërbimet e Komisariatit të Policisë Cërrik, në bashkëpunim me shërbimet e Stacionit të Policisë Belsh, pas njoftimit për një vatër zjarri në fshatin Lisaj, njësia administrative Kajan, kanë shkuar menjëherë në zonë, me qëllim zbardhjen e rrethanave të këtij rasti dhe për arrestimin e autorit/ëve. Në bazë të informacioneve të siguruara nga inteligjenca policore, shërbimet e Policisë kanë bërë të mundur identifikimin dhe arrestimin e autorit të këtij rasti zjarrvënieje, shtetasit K. L., banues në Belsh.

Ky shtetas, dyshohet se për shkak se ka hedhur një cigare të ndezur, ka aktivizuar një vatër zjarri në tokën e tij dhe nga përhapja e flakëve, janë djegur 15 hektarë sipërfaqe pylli në fshatin Lisaj dhe sipërfaqe të tjera të mbjella me pemë frutore. Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Elbasan, për veprime të mëtejshme. Drejtoria Vendore e Policisë Elbasan apelon për qytetarët që në asnjë rast të mos ndezin zjarr, pasi ky veprim përbën krim dhe ndëshkohet penalisht, si dhe i fton ata që të denoncojnë në numrin 112, çdo rast të tillë, me qëllim ndërhyrjen e menjëhershme për shuarjen e flakëve dhe procedimin penal të shtetasve përgjegjës.

kujtim lici belsh

Sondazh

Poll

MË SHUMË