Politike

Zgjedhjet në Kukës/Rithemelimi, Primare më 27 gusht, Arif Rexhmati: S’i shërben konsolidimit të strukturave

Rexhmati, pasi ka gjetur mbështetjen e Bashës, ka tentuar të tejkalojë Primaret si kandidat konsensual.

23 Gusht 2023, 20:59 Nga m.s
Zgjedhjet në Kukës/Rithemelimi, Primare më 27 gusht, Arif
Arif Rexhmati

TIRANE- Arif Rexhmati, kryetar i PD-së në Kukës, si dhe ish-kandidat i Partisë Demokratike për zgjedhjet lokale më 14 maj, është propozuar nga baza e demokratëve në Kukës që të jetë kandidat për Primaret që do të mbajë Rithemelimi. Arif Rexhmati është emri i propozuar nga anëtarësia e degës së PD-së së Kukesit, për kandidat të Bashkisë së Kukësit, në zgjedhjet që pritet të mbahen në shtator. Rexhmati, pasi ka gjetur mbështetjen e Bashës, ka tentuar të tejkalojë Primaret si kandidat konsensual. Ai shprehet se nuk është e nevojshme që demokratët të futen në një proces Primaresh, pasi nuk i shërben konsolidimit të strukturave dhe gatishmërisë së tyre për fushatën.

"Ndonëse mbështes parimin e konkurrencës, gjykoj ashtu si shumë prej demokratëve se futja në një proces Primaresh kur ka mbetur vetëm një muaj nga zgjedhjet dhe kur situata e brendshme e demokratëve vazhdon të vuajë pasojat e konfliktualitetit dhe të fajësimit, me gjithë qëllimin e mirë në vetvete, nuk i shërben konsolidimit të strukturave dhe gatishmërisë së tyre për fushatën. Hatërmbetjet pas votimit krijojnë përçarje dhe jo bashkim të anëtarësisë, ndërsa besueshmëri e procesit jo vetëm që nuk jep garanci për bashkim, por mund të jetë burim konflikti gjatë dhe pas procesit me dëme të pariparueshme për rezultatin në zgjedhje”, shkruan Rexhmati.

Zgjedhjet në Kukës u përsëritën pas video-skandalit të Safet Gjcit, teksa kryente marrëdhënie seksuale në zyrën e tij me Alma.K.

Zgjedhjet në Kukës/Rithemelimi, Primare më 27 gusht, Arif

 

 

arif rexhmati rithemelimi

Sondazh

Poll

MË SHUMË