Sport

“Sport Bild”: Real Madrid do të bëjë edhe një tentativë të fundit për Mbappen...

Gazeta gjermane thekson se ‘los blancos’ do të presin deri në fund të merkatos për të rritur presionin ndaj PSG-së dhe për të përfunduar nënshkrimin e yllit. “The Times” flet për rinovimin e kontakteve Mbappe-PSG.

20 Gusht 2023, 18:22 Nga DOSJA
“Sport Bild”: Real Madrid do të bëjë edhe një

SPANJE - Ka mbetur më shumë se një javë për mbylljen e merkatos verore dhe rrjedhimisht fundin (ose jo) të telenovelës për të ardhmen e Kylian Mbappé. Kur gjithçka tregonte se ylli i PSG-së do të vazhdonte të paktën edhe një sezon në kampionin francez, gazeta gjermane “Sport Bild” u duk se e ringjalli çështjen. Gjithmonë sipas shkrimit në faqen e mediave të sipërpërmendura, ka mundësi reale që Mbappe të përfundojë me të bardha këtë sezon.

Sigurisht, opsioni në fjalë kalon përmes një strategjie, që ishte rënë dakord brenda zyrave të klubit të bardhë dhe që përfshin nisjen e sulmit në mbyllje të merkatos. Në këtë mënyrë, Real Madridi do të ofronte një shumë prej rreth 120 milionë euro dhe do të rriste presionin ndaj parizienëve në rast se nuk do të ndodhte rinovimi i shumëpritur i francezit, duke e penguar atë të largohej i lirë në lidhjen e tij aktuale, që skadon në verën e vitit 2024.

Gazeta gjermane i bën jehonë informacionit që u shfaq në “The Times” që tregon se PSG dhe Mbappé do të kishin arritur një plan të hartuar në mënyrë që Kylian të përfundojë rinovimin e kontratës së tij dhe të përfshijë kompensimin financiar për klubin e Parisit, kur sulmuesi të largohet nga klubi.

Më pas hapet mundësia që ai të shkojë në “Bernabéu” vitin e ardhshëm (verë 2024). Nga Real Madridi është transmetuar gjithmonë se në të gjithë këtë çështje janë në prapavijë dhe pa ndërhyrë në asgjë që lidhet me problemet e Mbappes me klubin e tij, PSG.

“Sport Bild” shpjegon se një marrëveshje e supozuar me Mbappen për vitin 2024 nuk do të kishte asnjë kuptim për skuadrën madrilene duke marrë parasysh këtë, edhe pse duhet të prisnin një sezon më shumë për të nënshkruar me yllin francez.

Te Reali tani ka nisur një ndryshim brezash brenda skuadrës me premtimet e reja, si Bellingham apo Tchouameni, ai do të detyrohej të tërhiqte librezën e çeqeve për të marrë Mbappé. Kanë mbetur edhe pak më pak se dy javë për të ditur rezultatin përfundimtar të “telenovelës” së shumëfishtë rreth Mbappé, ajo nuk ka përfunduar.

B.T (Dosja.al)

Sondazh

Poll

Sport 20 Gusht 2023, 14:24

Guardiola gjen De Bruyne-n e ri…

ANGLI - Ditën e parë kur nuk kishte kaluar ende gjysmë ore lojë, Guardiola mori një lajm të tmerrshëm: dëmtimin e Kevin ...

MË SHUMË