Bota

Qeveria italiane, taksë mbi fitimet shtesë për bankat, Meloni: Vendosa unë!

14 Gusht 2023, 12:33 Nga f.i
Qeveria italiane, taksë mbi fitimet shtesë për bankat, Meloni:
Giorgia Meloni

ITALI- Kryeministrja e Italisë Giorgia Meloni ka marrë "përgjegjësinë e plotë" për vendimin e diskutueshëm të javës së kaluar për të vendosur një taksë të papritur mbi bankat, raportojnë mediat e huaja.

Aksionet e bankave italiane humbën deri në 10 për qind në ditën e shpalljes së taksës prej 40 për qind mbi të ardhurat neto nga interesat e huadhënësve. Më pak se 24 orë më vonë, qeveria u detyrua të tërhiqej pjesërisht, me ministrinë e financave që njoftoi një kufi mbi taksën që zvogëloi ndjeshëm efektin e saj në bilancet e huadhënësve.

Taksa mbi fitimet shtesë “është një iniciativë që e kam dashur sepse besoj se duhet dërguar një mesazh në lidhje me idenë e një shteti të drejtë, i cili bën gjërat që duhen bërë pa kohë ndëshkuese”. Kështu deklaroi kryeministrja italiane Giorgia Meloni, duke shtuar: “Kam respektin maksimal për sistemin bankar dhe nuk kam ndërmend të godas bankat. Por ka pasur një situatë çekuilibri. Me rritjen e konsiderueshme dhe të zgjatur të normave nga BQE, rrezikohet të penalizohen familjet dhe bizneset”.

“Sistemi bankar nxitoi të rrisë normat e hipotekave, por i la të pandryshuara normat që u njiheshin kursimtarëve dhe u krijua një deformim”, vijon Meloni për Corriere della Sera. “Giorgetti ishte plotësisht i përfshirë pasi ishte ministri që shkroi dispozitën. Në këtë rast nuk i kam pasur takimet që bëj zakonisht, por ka pasur një problem kohor në lidhje me një dispozitë që kemi vendosur ta sjellim në dekretin e fundit, përndryshe do të shtyhej për në shtator. Është një iniciativë që e kam marrë përsipër unë. Pikë”.

“Paga minimale, nuk e hedh topin në tribunë”

Sa i përket murit të ngritur nga opozita pas takimit në Palazzo Chigi për pagën minimale, Meloni deklaroi: “Nuk u befasova nga reagimi. Përshtypja ime është se për këtë çështje duhet bërë politika dhe për hir të Zotit, unë e respektoj këtë, por kjo ka përparësi ndaj trajtimit serioz të çështjes. Ata ju thonë ‘jemi në dijeni që paga minimale nuk e zgjidh problemin e punës së varfër, por ne duam të vazhdojmë me mbledhjen e nënshkrimeve”. “Unë nuk e hedh topin në tribunë. Kam paraqitur një propozim të saktë duke i dhënë Cnel-it 60 ditë para ligjit të buxhetit për të bërë një propozim të përgjithshëm për të luftuar punën e varfër, që ndoshta për disa kategori mund të përfshijë edhe çështjen e pagës minimale”.

Sa i përket ndryshimeve në qeveri, kryeministrja italiane deklaroi se nuk e ka menduar kurrë një riorganizim. “Janë të gjitha rikonstruksione imagjinative të gazetave të thashethemeve. Nuk kam menduar kurrë një riorganizim të qeverisë”, saktësoi kryeministrja Giorgia Meloni, në lidhje me zërat për një riorganizim të shkaktuar nga çdo zhvillim gjyqësor në kompanitë e ministrit Santanché."

giorgia meloni

Sondazh

Poll

MË SHUMË