Sport

VIDEO/ Bellingham shkëlqen, njeriu i fitores së parë të Real Madridit ndaj Bilbao...

Real Madridi ka startuar me fitore në La Liga, duke e mposhtur 2-0 Athletic Bilbaon në transfertë.

13 Gusht 2023, 08:30 Nga DOSJA

VIDEO/ Bellingham shkëlqen, njeriu i fitores së parë të Real

SPANJE - Real Madridi e ka nisur sezonin e ri me një fitore të pastër 2-0 kundër Athletic Bilbao në San Mames. Rodrygo (28’) dhe Jude Bellingham (37’) ishin autorët e golave për ‘los blancos’. Lojtar i ndeshjes, pa dyshim ishte Jude Bellingham, i cili bëri një debutim fantastik në fanelën e madrilene.

Real Madridi ishte një skuadër shumë më e mirë në pjesën e pare, ku sulmoi vazhdimisht. Goli për mysafirët erdhi në minutën e 28-të, ku Rodrygo shfrytëzoi për mrekulli rrëmujën në mbrojtjen e Bilbaos për të shënuar gol për rezultat 0-1.


Real Madridi insistonte për golin e dytë dhe ai do të vinte nga blerja 100-milionëshe e këtij sezoni e 'los blancos'. Britaniku Jude Bellingham tregoi klasin e tij për të shënuar një gol me parabolë në minutën e 37-të, që rezultoi të jetë edhe goli i fundit në këtë ndeshje.


Në pjesën e dytë Athletic Bilbao ishin më kërkuese dhe ishin afër për të shënuar disa herë. Gjithashtu edhe Fede Valverde (68’) dhe Vinicius Junior (70) ishin afër për të shënuar gola për Realin, derisa Imanol Garcia de Albeniz (72’) pati rastin më të mirë për Bilbaon për ta ngushtuar epërsinë. Rastin e fundit në këtë ndeshje e pati Luka Modric në minutën e 84-të por goditjen e tij e priti Unai Simon.

Kështu, Real Madridi fiton pikët e para këtë sezon, duke e nisur me këmbë të mbarë derisa në javën tjetër ata përsëri do të luajnë në transfertë, ku do të përballen me Almerian, ndërsa Bilbao do të jetë mysafirë i Osasunas.

B.T (Dosja.al)

 

 

Sondazh

Poll

MË SHUMË