Bota

Aktorja e njohur amerikane ndërron jetë në moshën 75-vjeçare

Aktorja ndërroi jetë në shtëpinë e saj në Karolinën e Jugut.

12 Gusht 2023, 14:59 Nga k.m.
Aktorja e njohur amerikane ndërron jetë në moshën
Linda Haynes

SHBA- Linda Haynes ka ndërruar jetë në moshën 75-vjeçare. Ende nuk dihet shkaku i vdekjes. Lajmin e trishtë e ka konfirmuar djali i saj, Greg Sylvander përmes një postimi në Facebook, i cili konfirmoi edhe se aktorja ndërroi jetë në shtëpinë e saj në Karolinën e Jugut.

“Si fëmijë i vetëm, i kam pasur frikë këto kohë gjatë gjithë jetës sime. E gjej paqen duke ditur që nëna ime ishte në paqe dhe kishte jetën më të bukur këto vitet e fundit së bashku me nipërit e saj, Courtney Sylvander dhe unë. Do të na mungojë pa masë mami,”- ka shkruar ai.

Në 1977, Haynes luajti bashkë në thrillerin psikologjik të John Flynn "Rolling Thunder", shkruar nga Paul Schrader dhe ku luajtën William Devane, Tommy Lee Jones dhe James Best. Filmi ndjek ish të burgosurin e luftës nga Vietnami, Charles Rane, i cili, pasi i mbijetoi një pushtimi të dhunshëm në shtëpi dhe humbi një dorë, niset në një kryqëzatë për t'u hakmarrë me ndihmën e një shoku. Haynes luajti Linda Forchet, një bukuroshe jugore që mirëpret Rane-n e kthyer nga lufta vetëm për t'u përfshirë thellë në komplotin e tij për hakmarrje.

Ajo ka luajtur në filmat “Blaxploitation” të vitit 1973 “Coffy”, “Mulligan” të vitit 1974, “The Nickel Ride” dhe në “The Drowning Pool” me aktorin Paul Newman. Filmi i parë që Linda luajti ishte në vitin 1969 “Latitude Zero”, me regji Ishiro Honda dhe me aktorin Joseph Cotten. Pas viteve ’70 dhe ’80, aktorja hoqi dorë nga aktrimi dhe vazhdoi të punonte si sekretare. Ajo ka lënë pas djalin e saj Greg, nusen Courtney dhe nipërit e saj James dhe Amelia.

 

linda haynes

Sondazh

Poll

Bota 12 Gusht 2023, 13:48 k.m.

Italia rikthen artefaktet antike nga SHBA-ja

Foto ilustruese Italia tha se ka rikthyer 266 artefakte antike në vlerë prej dhjetëra milionë euro nga Shtetet e Bashkuara, ku ishin d&...

MË SHUMË