Politike

Presidenti Begaj dekreton datën e zgjedhjeve të reja në Kukës

Nga opozita, pritet që të rikandidojë kandidati i 'Bashkë Fitojmë', Admir Sinamati; ndërsa maxhoranca këto zgjedhje do të 'provojë' Ali Hallaçin. Ndërkohë Lulzim Basha ende nuk ka shpallur asnjë kandidat me fraksionin e tij nga Partia Demokratike e vulës.

11 Gusht 2023, 14:23 Nga k.m.
Presidenti Begaj dekreton datën e zgjedhjeve të reja në
Foto ilustruese


KUKËS- Presidenti i vendit, Bajram Begaj ka dekretuar 24 shtatorin, si datën kur do të mbahen zgjedhjet lokale për kryetar Bashkie në Kukës. Vendimi është shpalllur sot në dekretin nr. 186 datë 11.08.2023 për “Caktimin e datës së zgjedhjeve për Kryetar të Bashkisë Kukës”.

Nga opozita, pritet që të rikandidojë kandidati i 'Bashkë Fitojmë', Admir Sinamati; ndërsa maxhoranca këto zgjedhje do të 'provojë' Ali Hallaçin. Ndërkohë Lulzim Basha ende nuk ka shpallur asnjë kandidat me fraksionin e tij nga Partia Demokratike e vulës. E gjitha vjen pas dorëheqjes dhe prangosjes së Safet Gjicit.

Safet Gjici u vu në pranga për "korrupsion pasiv", pasi dyshohet se ka favorizuar Alma Kaçin, duke i ofruar mbështetje financiare, me vendim të Këshillit Bashkiak, mbi një projekt për strehimin dhe kujdesin ndaj qenve endacakë në qytet. Vetë 40-vjeçarja ka pranuar se donte nga Gjici tenderin e qenve, ndërsa ish-kryebashkiaku ka thënë se nuk e ka shkelur ligjin. Të dy kanë pretenduar se kishin një lidhje intime me njëri-tjetrin, përpara se të flisnin në zyrën e shtetit për tender e favorizime dhe pasi kishin kryer marrëdhënie seksuale. 

zgjedhjet lokale ne kukes kukes safet gjici videoja e safet gjicit

Sondazh

Poll