Bota

Avokatët nga Republika e Kosovës njihen zyrtarisht nga Gjermania

Sipas tij, të njohur nga një vend i rëndësishëm si Gjermania, avokatët nga Kosova mund të përfshihen më lehtë në raste ndërkombëtare dhe të ofrojnë ekspertizën e tyre në çështje juridike.

10 Gusht 2023, 19:33 Nga a.l
Avokatët nga Republika e Kosovës njihen zyrtarisht nga Gjermania
Foto ilustruese

KOSOVË-  Ambasadori i Kosovës në Gjermani, Faruk Ajeti, ka njoftuar se avokatët nga Republika e Kosovës njihen zyrtarisht nga Gjermania.

“Çfarë lajmi i mrekullueshëm - avokatët nga Republika e Kosovës njihen zyrtarisht nga Gjermania. Tani e tutje, avokatët e licencuar nga Republika e Kosovës do të mund të ushtrojnë funksionin e tyre edhe në Republikën Federale të Gjermanisë. Kjo është një arritje e jashtëzakonshme jo vetëm për marrëdhëniet e shkëlqyera ndërmjet dy shteteve tona, por edhe për drejtësinë kosovare”, ka shkruar Ajeti në ‘Facebook”.

Sipas tij, të njohur nga një vend i rëndësishëm si Gjermania, avokatët nga Kosova mund të përfshihen më lehtë në raste ndërkombëtare dhe të ofrojnë ekspertizën e tyre në çështje juridike.

“Ky kapitull i ri ofron një mundësi të jashtëzakonshme, që dija dhe përvoja e avokatëve kosovarë të jenë në proporcion të drejtë me standardet ndërkombëtare të drejtësisë dhe të integrimit juridik, përkatësisht të përshtatmërisë së kuadrit ligjor të avokatisë kosovare me atë gjermane dhe evropiane. Faleminderit Ministrisë Federale të Drejtësisë për besimin e vazhdueshëm ndaj Republikës së Kosovës! Edhe zëdhënësi i Qeverisë së Kosovës, Përparim Kryeziu, e ka mirëpritur lajmin se avokatët nga Republika e Kosovës njihen zyrtarisht nga Gjermania. “Kjo është një arritje e jashtëzakonshme jo vetëm për marrëdhëniet e shkëlqyera ndërmjet dy shteteve tona, por edhe për drejtësinë kosovare”, ka shkruar ai në ‘Facebook’”, tha ai. 

faruk ajeti

Sondazh

Poll

MË SHUMË