Politike

Qeveria nxjerr vendimin për sigurimin e detyruar të banesës nga tërmetet, masa për qytetarët që refuzojnë

Sipas projektligjit, i cili është hedhur për konsultim "Për sigurimin e detyrueshëm të banesave nga tërmeti", çdo qytetar që ka një banesë të tjën ose banesat sociale me qira, do të paguajnë një shumë të detyruar lekësh në vit për të siguruar banesën e tyre në rast tërmeti. 

7 Gusht 2023, 13:46 Nga I.A
Qeveria nxjerr vendimin për sigurimin e detyruar të banesës nga
Foto Ilustruese

TIRANË- Qytetarët do të detyrohen që të paguajnë sigurimin e detyrueshëm të banesave të tyre. Sipas projekligjit, i cili është hedhur për konsultim "Për sigurimin e detyrueshëm të banesave nga tërmeti", çdo qytetar që ka një banesë të tijën ose banesat sociale me qira, do të paguajnë një shumë të detyruar lekësh në vit për të siguruar banesën e tyre në rast tërmeti. 

Ndërkohë që shteti do të financojë vetëm shtresat sociale që janë në nevojë. Shuma e sigurimit do përcaktohet me VKM dhe do të jetë e vlefshme vetëm për një vit. Përjashtohen nga mbulimi i sigurimit të detyrueshëm nga tërmetet, të gjitha lëndimet trupore duke përfshirë edhe vdekjen, kërkesa për kompensim të dëmeve morale, sendet brenda banesës së objektit të siguruar, shpenzimet në lidhje me heqjen dhe zhvendosjen e mbeturinave, humbjet financiare nga ndërprerja e biznesit dhe fitimi i munguar.

Primi i sigurimit paguhet nga subjekti i siguruar si pagesë e plotë, ndërkohë që në rast tërmeti dëmshpërblimi paguhet brenda 9 muajsh. Subjektet që nuk sigurojnë banesat nuk do të marrin dot shërbime në e-Albania, nuk marrin shërbime kadarstale dhe nuk marrin dot shërbime nga QKB.

sigurimi i detyryar i baneses

Sondazh

Poll

MË SHUMË