Sport

Incident tronditës! Përgatitësi fizik i ekipit godet me grusht futbollistin ‘kryeneç'

Futbolli brazilian ka sjellë në vëmendjen e publikut një incident vërtet tronditës.

30 Korrik 2023, 21:14 Nga DOSJA
Incident tronditës! Përgatitësi fizik i ekipit godet me grusht

BRAZIL - Episodi ka ndodhur në ndeshjen mes Atletico-MG dhe Flamengos, e cila përfundoi me rezultatin 1-2. Protagonist ishte sulmuesi Pedro, i blerë nga Flamengo dy vite më parë nga Fiorentina, në këmbim të 14 milionë eurove. 

Futbollisti është në konflikt të vazhdueshëm me trajnerin e skuadrës, Jorge Sampaoli, pasi nuk po merr minutazh në fushën e blertë. Kështu, i zemëruar që tekniku nuk e aktivizoi as në ndeshjen e fundit, sulmuesi nuk pranoi të bënte nxemje dhe shkoi e u ul në stolin e rezervave. Këtu ka ndodhur incidenti. Përgatitësit fizik të skuadrës, Pablo Hernandez, nuk i ka pëlqyer sjellja e sulmuesit dhe e ka goditur me grusht lojtarin. 

Pedro pësoi një dëmtim në gojë dhe disa dhëmbë u dëmtuan nga grushti i dhunshëm.  Futbollisti më pas shkroi në rrjetet sociale: “Qurraca fizikë kanë ardhur përpara frikacakëve psikologjikë, që më janë nënshtruar javët e fundit. Një person që mendon se ka të drejtë të sulmojë një person tjetër, nuk meriton respektin e askujt. 

Baba, nënë, faleminderit për edukimin që më dhatë”,- citon “ataquefutbolero” të ketë thenë sulmuesi brazilian. 

Shokët e skuadrës së Pedros kërkuan shkarkimin e trajnerit fizik dhe klubi u bind. E largoi përgatitësin fizik nga Atletico.

B.T (Dosja.al)

Sondazh

Poll

MË SHUMË