Bota

UFO-t ekzistojnë?! SHBA-ja nis hetimet, ish-pilotë japin DËSHMITË e tyre para Kongresit

Nga ana e tij, David Favor, një ish-pilot i Marinës tha se në vitin 2004, ndërsa po fluturonte me avionin e tij luftarak, ai kishte parë një automjet cilindrik misterioz që dukej si një tank i madh. Ai shtoi se kur u përpoq ta gjurmonte, objekti u zhduk. Ngjarja, nga e cila pretendon se ka edhe ka video, nuk u hetua asnjëherë.

26 Korrik 2023, 22:06 Nga k.m.
UFO-t ekzistojnë?! SHBA-ja nis hetimet, ish-pilotë japin
Foto ilustruese

SHBA- Anëtarët e Kongresit morën një përgjigje të mirë lidhur me teoritë ndaj UFO-ve të mërkurën në një seancë dëgjimore mbi fenomenet e pashpjegueshme ajrore (UAP) të raportuara nga pilotët. Ekspertët e UAP - të gjithë ish-oficerë të ushtrisë - bënë pretendime për objekte misterioze.

Më mbresëlënëse ishin zbulimet dhe pretendimet e David Gross, i cili punonte si analist në Forcat Ajrore të SHBA. Grouse ka pohuar se qeveria amerikane po mbulon më shumë se 10 incidente të përplasjeve të anijeve kozmike aliene dhe se ai ka folur me dhjetëra njerëz me njohuri për këtë çështje. Sipas tij, SHBA po përpiqet të kopjojë teknologjinë aliene, por shtoi se ai vetë nuk kishte akses në programe.

Kur u pyet nga një anëtar i parlamentit, Grouse tha se mostrat biologjike u gjetën në vendet e përplasjeve. Por kur u pyet nëse ka parë vetë ndonjë anije kozmike aliene, ai refuzoi të përgjigjej publikisht – një justifikim që e përdori disa herë në seancë. Megjithatë, ai pranoi se nuk ka parë një trup alieni.

Nga ana e tij, David Favor, një ish-pilot i Marinës tha se në vitin 2004, ndërsa po fluturonte me avionin e tij luftarak, ai kishte parë një automjet cilindrik misterioz që dukej si një tank i madh. Ai shtoi se kur u përpoq ta gjurmonte, objekti u zhduk. Ngjarja, nga e cila pretendon se ka edhe ka video, nuk u hetua asnjëherë.

Ryan Graves, gjithashtu një ish-pilot luftarak, tha se trupa e tij kishte parë shumë herë objekte misterioze që ishin të palëvizshme pavarësisht erërave shumë të forta. Ai gjithashtu ftoi pilotët e tjerë që të paraqiten dhe të flasin për atë që dinë.

"Nëse janë dronët e huaj, është një çështje e sigurisë kombëtare, nëse është diçka tjetër, është një çështje shkencore, sido që të jetë një çështje e sigurisë së fluturimit,"-tha ai.

Ndoshta nën presionin e opinionit publik që kërkon transparencë, Kongresi e ka hapur këtë çështje, duke hetuar “dukuri anormale”. Deri më tani nuk ka asnjë shenjë të jetës jashtëtokësore, megjithatë, ka njerëz që i besojnë dhe që janë dëgjuar edhe në Kongres. Sondazhet tregojnë se 4 në 10 amerikanë besojnë se ekzistojnë objekte fluturuese nga planetë të tjerë, ndërsa 1 në 10 pretendon se ka parë UFO./BBC

ufo

Sondazh

Poll

MË SHUMË