Bota

Hera e parë pas 20 vitesh, Singapori do të ekzekutojë të premte një grua të akuzuar për trafik droge

Shtetasja e Singaporit Saridewi Djamani u dënua me vdekje në vitin 2018, pasi ajo u shpall fajtore për posedim të rreth 30 g heroinë për qëllime trafikimi, sipas Kolektivit të Drejtësisë Transformative (TJC), i cili gjurmon rastet e dënimit me vdekje.

26 Korrik 2023, 18:06 Nga a.l
Hera e parë pas 20 vitesh, Singapori do të ekzekutojë të
Singapor

SINGAPOR- Singapori do të ekzekutojë një grua për herë të parë në pothuajse 20 vjet, një nga dy vrasjet e planifikuara për këtë javë.

Shtetasja e Singaporit Saridewi Djamani u dënua me vdekje në vitin 2018, pasi ajo u shpall fajtore për posedim të rreth 30 g heroinë për qëllime trafikimi, sipas Kolektivit të Drejtësisë Transformative (TJC), i cili gjurmon rastet e dënimit me vdekje.

Aktivistët besojnë se ajo do të ishte gruaja e parë që do të ekzekutohej në Singapor që nga viti 2004 kur Yen May Woen, një parukiere 36-vjeçare, u var për trafik droge, shkruan The Guardian. 

Mohd Aziz bin Hussain, një 56-vjeçar malajzian nga Singapori i është thënë se do të ekzekutohet të mërkurën, sipas TJC. Ai u dënua me vdekje në vitin 2018 pasi u shpall fajtor për trafikim të rreth 50 gr heroinë. 

Singapori ka disa nga ligjet më të ashpra të drogës në botë dhe ka tërhequr kritika ndërkombëtare në vitet e fundit për ekzekutimet e të burgosurve të dënuar për vepra penale të drogës.

denim me vdekje ne singapor

Sondazh

Poll

MË SHUMË