Bota

'E vetmja zgjidhje, marrëveshja'/ Erdogan rikonfirmon mbështetjen për çështjen palestineze

Gjatë një konference të përbashkët për shtyp me homologun e tij palestinez Mahmud Abbas ai u shpreh se është thelbësore që Kombet e Bashkuara dhe komuniteti ndërkombëtar të angazhohen në mënyrë aktive në gjetjen e një zgjidhjeje të drejtë dhe të qëndrueshme. 

26 Korrik 2023, 17:46 Nga a.l
'E vetmja zgjidhje, marrëveshja'/ Erdogan rikonfirmon
Mahmud Abbas dhe Rexhep Taip Erdogan

TURQI- Presidenti turk Rexhep Taip Erdogan ka shprehur mbështetjen e palëkundur të Turqisë për krijimin e një shteti të pavarur palestinez në kufijtë e vitit 1967 me Jerusalemin Lindor si kryeqytet. Gjatë një konference të përbashkët për shtyp me homologun e tij palestinez Mahmud Abbas ai u shpreh se është thelbësore që Kombet e Bashkuara dhe komuniteti ndërkombëtar të angazhohen në mënyrë aktive në gjetjen e një zgjidhjeje të drejtë dhe të qëndrueshme. 

"Çështja palestineze është anashkaluar prej kohësh në axhendën e komunitetit ndërkombëtar. Është thelbësore që Kombet e Bashkuara dhe komuniteti ndërkombëtar të angazhohen në mënyrë aktive në gjetjen e një zgjidhjeje të drejtë dhe të qëndrueshme," tha Erdogan gjatë një konference të përbashkët për shtyp me homologun palestinez, Mahmud. Abbas , në Ankara më 25 korrik.

Gjatë takimit dypalësh, liderët diskutuan në detaje zhvillimet e vazhdueshme në Palestinë dhe vlerësuan hapat për forcimin e marrëdhënieve midis kombeve të tyre. Erdogan theksoi rëndësinë e forcimit të kapaciteteve të shtetit palestinez dhe përmirësimin e kushteve të jetesës së popullit palestinez.

Udhëheqësi turk shprehu shqetësimin e tij të thellë për humbjet në rritje të jetëve, shkatërrimin, zgjerimin e paligjshëm të vendbanimeve dhe dhunën e kolonëve në rajon, duke theksuar se vizioni i një zgjidhjeje me dy shtete është e vetmja rrugë e qëndrueshme për arritjen e paqes dhe stabilitetit në Rajon, shkruajnë mediat e huaja.

Erdogan kundërshtoi me forcë çdo veprim që synon të ndryshojë status quo-në historike të vendeve të shenjta, veçanërisht xhamisë al-Aksa. 

rexhep taip erdogan

Sondazh

Poll

MË SHUMË