Ajo është një këngëtare e dashur për publikun, për zërin dhe shpirtin artistik që ka. Pak kohë më parë Barbana Dini ishte në studion e Rudina Magjistarit në Tv Klan për të prezantuar këngën e saj të re “Libri Dashnis” duke u rikthyer pas 5 vitesh me një videoklip të ri.
Por po atë ditë, në emisionin “Rudina”, ajo lajmëroi që në ditën e lindjes së vëllait të saj, Ergi Dini, do të nxjerrë një këngë të lënë përgjysëm nga ai, e cila ishte menduar që të ishte bashkëpunim me të motrën.
Pas 3 vitesh, Barbana Dini e ka përmbushur amanetin e vëllait te saj, duke bërë të mundur që sot në ditën e lindjes së tij të prezantojë këngën në bashkëpunim me vëllain e saj të ndjerë. Sot, në studion e emisionit “Rudina”, ishte e shoqëruar nga heroi i saj, siç ajo e konsideron të atin, z.Dashamir Dini.
Dhimbjen dhe mungesën e Ergit, Dashamir Dini ka vendosur ta hedhë në letër. Ai ka shkruar një poezi për të dhe çdo fjalë e saj është dhimbje shpirti.
“Poezia është një mënyrë komunikimi shumë e veçantë por që të shkarkon shpirtin dhe vepron më mirë se proza dhe çdo zhaner tjetër për të transmetuar atë që ndjen. Sepse figuracioni i pasuron mundësitë dhe mjetet shprehëse janë më të gjera në poezi. Unë kam shkruar shumë poezi, por që nga ikja e tij unë nuk kam shkruar më poezi vetëm prej Ergit. Shkruaj vetëm njëherë në vit për ditëlindjen e tij ose momentin e ndarjes. Është e njëjta gjë që më frymëzon, në kuptimin e asaj që të shkarkoj diçka dhe me e mbajt marrëdhënien me të”.
Poezia që babai i tij shkroi një vit më parë, për 24-vjetorin e ditëlindjes së Ergit:
Zvarritem mes dhembjes së ngrirë
Në trajtat gri të mermerit
I mbështjellë me mungesën tande
kam marr me vete përkthyesin shurdh-memec
që di gjuhën e heshtjes, Ergi,
për me ma përkthy heshtjen tande fjalë për fjalë
që me mujt me ja shu disi flakët mallit.
Kam marrë edhe fotografin e verbër të errësirës
për foton etradicionale
të këtij përvjetori…
Ooooh!
Po unë s’mund të shoh, k’shtu
mbulu me dimër,
moj Pranverë!
Pash njat Zot çohu bir!
Cohu
E m’ban me u ndi gjallë edhe një herë
Mu të vdekunit ma të mallkum të tana kohëve,
Që fati mizor
Më detyron me jetu jetën tande!
Pasha njat Zot, Bir, çohu!
Çohu
Se kitara jote pret varur në gishtat e erës
Për me këndu
Shumë urime për ty…..”!
Unë lutem, e lutem,
U kryqëzum
Në tmerrin
E udhëkryqit tem të namun,
tuj u rujt deri në shpresë…
Por fati yt, i pamëshirmshëm
Mi refuzon të gjitha lutjet
Për me zanë, unë, vendin tand.
Jam i dënum
me u end mes të gjallëve
çdo çast lahem
me zjarrin e ferrit
tuj andruu se një ditë,
kam me i gjet dyert e parajsës
ku më pret ti…..
Marrë nga tvklan.al
(k.m./dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Më 15 Tetor 1994 lindi Ergi Dini, këngëtari i talentuar, i cili u nda nga jeta më 21 Nëntor 2016 në një aksident tragjik. Sot ai do të festonte ditëlindjen e ti...
PRISHTINË – Reperja shqiptare Tayna, ka lançuar këngën e saj më të re , të quajtur ‘Sicko’.Projekti i saj më i fundit është një këngë dashurie, teks...
SHANGAI – Georgina Rodriguez, është dhe partnerja e super futbollistit Cristiano Ronaldo.Bukuroshja spanjolle, ka qënë e ftuar në një eviniment të organizuar në...
TIRANË- DJ i njohur Vin Veli bëri bujë në media pas përhapjes së lajmeve se ishte arrestuar nga policia. I ftuar në emisionin Ditë e Re, Vin Veli sqaroi të...
SHBA– Një burrë i moshës së mesme, i ushqyer nga xhelozia ka treguar se si ka masakruar me thikë të dashurën e tij 22-vjeçare.49-vjeçari, Ja...
MOSKË – Alina Yakupova, është emri i bukuroshes 6-vjeçare e cila është shpallur si vajza më e bukur në botë për vitin 2019.Vogëlushja ruse ka nisur ...
BRINDISI – Deputeti socialist Fate Velaj , i cili njihet gjithashtu edhe si piktor, fotograf, eseist, kurator dhe projektues, ka publikuar koleksionin e tij të ...
TIRANË– Këngëtarja shqiptare Elvana Gjata ka publikuar së fundmi një foto në rrjetet sociale. E veshur me koleksionin e dizajneres italiane Alberta Ferreti...
HOLANDË – Një histori e pazakontë vjen nga Holanda, ku është zbuluar se një familje e përbërë nga 7 përsona, kishte pothuajse 9 vite që jetonte në bo...
TIRANË – Këngëtari i njohur për publikun shqiptar Mateus Frroku, i dha fund lidhjes së tij 9-vjeçare muajin e fundit të vitit që lamë pas. Pavarësis...