Bota

Emri i mbretëreshës Elizabeth do të "mbrohet", s'do përdoret pa leje specifike

Emri i mbretëreshës së ndjerë do të "mbrohet " për sa i përket mënyrës se si mund të përdoret, thotë udhëzimi i ri.

22 Korrik 2023, 08:08 Nga A.B

Emri i mbretëreshës Elizabeth do të "mbrohet",

Mbreteresha

BRITANI E MADHE-Ndërtesat, parqet, baret apo bizneset nuk mund të riemërohen me emrin e mbretëreshës së ndjerë Elizabeth pa leje specifike, ka paralajmëruar Zyra e Kabinetit. Emri i mbretëreshës së ndjerë do të "mbrohet "për sa i përket mënyrës se si mund të përdoret, thotë udhëzimi i ri.

Zyra e kabinetit thotë se leja për përdorimin e emrit të mbretëreshës së ndjerë do të jepet vetëm "me kursim".
Një "përkujtimor zyrtar kombëtar" për mbretëreshën e ndjerë do të ndërtohet gjithashtu, thotë Zyra e Kabinetit.

Ka shumë vende dhe biznese të emërtuara sipas emrave mbretërorë historikë - nga Royal Albert Hall deri te pubi Queen Victoria në telenovelën EastEnders të BBC TV. Por udhëzimet zyrtare janë lëshuar kohët e fundit nga Zyra e Kabinetit duke paralajmëruar për kufizimet në përdorimin e emrave dhe titujve mbretërorë modernë.

Ka shqetësime për të siguruar që emri i mbretëreshës së ndjerë të përdoret vetëm në mënyra "dinjitoze dhe të përshtatshme".

“Titulli i plotë i Mbretëreshës Elizabeth II do të vazhdojë të mbrohet nga afër për të ruajtur rrallësinë e nderit”, thotë një zëdhënëse e qeverisë./Dosja.al

mbreteresha elizabet