Aktualitet

Kapja më e madhe! Sekuestrimi i kokainës me vlerë 850 mln euro në peshkarexhën në Itali, kush është 35-vjeçari shqiptar i arrestuar

Në mesin e personave të arrestuar është dhe një shtetas shqiptar i identifikuar si Elvis Lleshaj, 35-vjeç.

21 Korrik 2023, 20:50 Nga k.m.
Kapja më e madhe! Sekuestrimi i kokainës me vlerë 850 mln euro
Foto ilustruese

ITALI- Ishte kapja më e madhe e kokainës e bërë ndonjëherë në Itali. Pothuajse pesë ton e gjysmë kokainë u kapën nga Guardia di Finanza gjatë natës, në det të hapur. Droga u kap në një peshkarexhë, në bordin e së cilës ndodheshin 5 persona.

Në mesin e personave të arrestuar është dhe një shtetas shqiptar i identifikuar si Elvis Lleshaj, 35-vjeç.

Po ashtu, sipas mediave italiane, në pranga përfunduan; Vincenzo Catalano, një 35-vjeçar nga Kalabria; Kamel Thamlaoui, një 54-vjeçar tunizian, me banim në Pulia; Sami Mejri, tunizian me banim në Barcellona Pozzo di Gotto; 19-vjeçari francez Yanis Malik Bargas.

Pas kontrollit, ngarkesa maksimale e kokainës u gjet e fshehur pas një dhome. Në total u sekuestruan mbi 5.3 tonë kokainë, që synonte të furnizonte të gjithë tregun sicilian por edhe atë kombëtar. Nëse droga do shitej do siguronte rreth 850 milionë euro të ardhura.

elvis lleshaj itali

Sondazh

Poll