Sport

Victoria Beckham i uroi mirëseardhjen Lionel Messit te Inter Miami! Menjëherë ka reaguar bashkëshortja e argjentinasit

David Beckham (48 vjeç), bashkëpronar i Inter Miami, e bindi Lionel Messin (36 vjeç) të nënshkruante me ekipin e tij dhe një mesazh të veçantë me këtë rast pati edhe gruaja e anglezit, Victoria Beckham (49 vjeç).

17 Korrik 2023, 19:02 Nga DOSJA
Victoria Beckham i uroi mirëseardhjen Lionel Messit te Inter Miami!

SHBA - Të shtunën, më 15 korrik, Lionel Messi u prezantua zyrtarisht te Inter Miami, më shumë se një muaj pas largimit nga PSG.

Menjëherë ka reaguar edhe Victoria Beckham. Modelistja tha se ishte krenare për bashkëshortin e saj, ish-futbollistin anglez dhe mirëpriti Lionel Messin dhe gruan e tij Antonela Roccuzo në Miami.

“Nuk kam fjalë të mjaftueshme për të shprehur sa krenar jam për David Beckham. Të kam parë duke punuar kaq shumë për ta bërë realitet këtë moment dhe më në fund ndodhi. Puthje, Leo Messi, Antonela Roccuzzo, Inter Miami!”, ka shkruar Victoria Beckham në Instagram.

Bashkëshortja e Lionel Messit ka reaguar me shpejtësi ndaj postimit të Victoria Beckham.  Antonela Roccuzo shtoi tre zemra në pjesën e komenteve të postimit.

 
 
 
 
 
View this post on Instagram
 
 
 
 
 
 
 
 
 
 

Lionel Messi mund të debutojë me Inter Miami më 21 korrik, kundër meksikanëve nga Cruz Azul.

“Jam shumë i emocionuar që do të filloj hapin tjetër në karrierën time, me Inter Miami dhe në Shtetet e Bashkuara. Është një mundësi fantastike dhe së bashku do të vazhdojmë të ndërtojmë këtë projekt të bukur. 

Ideja është që të punojmë së bashku për të arritur objektivat që i kemi vënë vetes dhe jam shumë i paduruar të filloj të ndihmoj këtu, në shtëpinë time të re”,- tha Lionel Messi në prezantimin zyrtar.

B.T (Dosja.al)

Sondazh

Poll