Korçë- Mbrëmë më orën 21:50 në lagjen numër 3 të qytetit të Korçës është grabitur në banesën e tyre çifti i të moshuarve, Afërdita dhe Foni Rapo.
Mësohet se dy persona të maskuar, me armë kanë hyrë në banesën e çiftit, teksa këta të fundit ishin në kuzhinë duke konsumuar darkë.
Nën kërcënimin e armës, ata i kanë bërë presion të zotit të shtëpisë që t’u jepte para. Pas debateve dhe kundërshtive, autorët kanë lidhur të moshuarit në krevat. Gruan, Afërdita Rapon, e kanë goditur në krah dhe në këmbë, ndërsa burrin e saj, Foni Rapo, në kokë me qytën e pistoletës. Pas presionit dhe dhunës grabitësit u kanë marrë atyre 700 mijë lekë.
Pas ngjarjes së rëndë çifti i të moshuarve, Afërdita dhe Foni Rapo ndodhen në spitalin e Korçës, ku po marrin mjekim për frakturat në kokë.
Për këtë ngjarje ka folur edhe vetë Foni Rapo, 85-vjeç, i cili është shprehur se autorët kanë qenë dy, të pajisur me armë dhe thikë dhe kanë hyrë nga dera e pasme e banesës.
“Dy persona me maskë , armë dhe thikë u futën nga dera e pasme. Na kërcënuan dhe goditën. Mua më goditën me qytën e pistoletës në kokë ndërsa gruan Afërdita në krahë dhe këmbë. Na nxorën edhe thikën. Bërtisnin lekët lekët. Thoshin se jemi nga Elbasani. Pasi morën lekët e pensionit iu treguam edhe kursimet. Ata kërkonin lekë të tjera. Iu dhamë unazat e floririt. Na lidhën më pas kërkonin lekë të tjera. Jemi të tmerruar. Gruaja është e sëmurë me diabet dhe tension. Është e tmerruar. Ndodhet akoma në spital. Kërkojmë të kapen autorët”, është shprehur Foni Rapo.
Policia është në kërkim të autorëve, të cilët u larguan menjëherë nga vendi i ngjarjes. Të moshuarit jetojnë të vetëm në banesën e tyre pasi fëmijët i kanë në emigracion.
Njoftimi i Policisë
Më datë 14.10.2019, rreth orës 21.45, në lagjen nr.3, dy persona ende të pa identifikuar, dyshohet se njëri kishte armë zjarri tip pistoletë kanë hyrë në banesën e shtetasve F.R dhe A.R, rreth 85 vjeç, duke ushtruar dhunë psikologjike, kanë marrë një sasi lekësh dhe më pas janë larguar me shpejtësi.
Dy të moshuarve u është dhëna ndihma e parë mjekësore, pa probleme për jetën. Grupi hetimor po punon për identifikimin dhe kapjen e autorëve, si edhe zbardhjen e plotë të rrethanave të ngjarjes”, thotë policia.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
KAVAJË- Marsida Qatja në një intervistë për “Open” është shprehur se pas ngjarjes së ndodhur disa ditë më parë marrëdhëniet e saj nuk janë të mira.Sipas sa...
TIRANË– Juristi Kreshnik Spahiu ka “shpërthyer” keq ndaj Marsida Qatjes, një prej të përfshirave në vrasjen e Kavajës. Në një lidhje telefonike për “Open”,...
GREQI- Mbi 55 kilogramë majruanë janë sekuestruar sot në kufirin greko-shqiptar, ku janë arrestuar dhe dy shqiptar.Sipas informacioneve mësohet se operacioni an...
KAVAJË– Marsida Qatja ka treguar se nuk është përdoruese e lëndëve narkotike dhe se ky fakt është e konfirmuar nga Policia.Sipas saj, kokaina në shtëpi ësh...
KAVAJË– Protagonista e ngjarjes së Kavajës ku humbi jetën Dritan Haxholli dhe u plagos efektivi Bledar Toçi, Marsida Qatja ka rrëfyer në ̶...
TIRANE- Kolegji i Posaçëm i Apelimit ka marrë vendimin sot për të shkarkuar përfundimisht, prokurorin e Prokurorisë së Përgjithshme, Artur Selmanin. KPA,...
TIRANË- Banorët e zonës së “Astirit” teksa kanë vijuar protestën e tyre, tashmë kërkojnë largimin e ambasadorit të OSBE, Bernd Borchard nga Shqipëria. Ata ...
GJIROKASTËR- Bajram Mera është larguar nga detyra si zv. Drejtor i Hetimit të Krimeve të Rënda në Gjirokastër.Në vend të tij është emëruar Skënder Hitaj, i...
TIRANË- Banorët e Unazës së Re që preken nga projekti i rrugës së re, kanë dalë dhe sot në protestë. Ata kërkojnë anulimin e projektit dhe e quajnë atë kor...