Sport

Inter Miami gati ‘show’-n për Leo Messin… ja kur do të prezantohet ylli argjentinas

Klubi amerikan po përgatitet për prezantimin e yllit argjentinas, që do të jetë nga e diela deri në mëngjesin e të hënën, në orën 02:00.

15 Korrik 2023, 22:31 Nga DOSJA
Inter Miami gati ‘show’-n për Leo Messin… ja kur do

SHBA - Dita ‘D’ po vjen... Qyteti i Miamit është paralizuar para ardhjes së Leo Messit në MLS. Ylli argjentinas ka ngritur pritshmëri të mëdha që nga kalimi i tij me klubin e David Beckham. 

Që nga e diela deri në orët e para të së hënës në orën 2 (me orën europiane) do të bëhet prezantimi, që me siguri do të përqendrojë të gjithë sytë e të gjithë botës.

Për këtë Inter Miami ka përgatitur si prezantim një spot me nuanca rruge. Në reklamë, një individ shihet duke pikturuar një mbishkrim në mur me emrin e yllit të Amerikës së Jugut. 

Më në fund, video mbyllet me paraqitjen për herë të parë të Leo Messit me fanelën e Inter Miami. Nesër mijëra fansa do të mund ta shohin atë të veshur me të.

Përveç kësaj, debutimi i 'Pleshtit' me ekipin e tij të ri tashmë ka një datë. Ai do të jetë më 21 korrik kundër Cruz Azul në Kupën e Ligave, një kompeticion që përballon ekipet e MLS kundër ekipeve meksikane të Liga MX.

B.T (Dosja.al)

Sondazh

Poll

MË SHUMË