Sport

Bayern zbret në fushë, Tuchel ka zbuluar planet e tij për lojtarët kryesorë…

Bavarezët kanë nisur stërvitjet parasezonale

15 Korrik 2023, 17:35 Nga DOSJA

Bayern zbret në fushë, Tuchel ka zbuluar planet e tij për

GJERMANI - Trajneri i Bayern Munichut, Thomas Tuchel, flet për planet e transferimit të verës të klubit. Ai preku temën e Sadio Mane, Ryan Gravenberch dhe Leon Goretzka, që lidhen me një transferim të jashtëm këtë verë, por nuk pranoi të komentojë mbi planet e transferimit të bavarezëve.

“Nuk do të komentoj lojtarët që nuk kanë kontratë me ne, por ne jemi duke e monitoruar këtë pozicion. Nëse jemi të bindur se një lojtar do të na ndihmojë, do të bëjmë gjithçka që është e mundur për ta sjellë atë”,- tha ai kur u pyet për Harry Kane.

“Ne duam të zëvendësojmë Hernandez dhe nuk është një sekret i madh me kë. Nuk do ta them emrin e tij, sepse ndonjëherë kjo nuk ndihmon. Ne do të përpiqemi ta shpallim atë në ditët në vijim”,- shtoi ai për koreanin Kim Min-jae, i cili do t'i bashkohet Bayernit shumë shpejt.

Tuchel gjithashtu komentoi thashethemet rreth Leon Goretzka dhe Ryan Gravenberch. “Ata të dy kanë kontratë me ne. Ryan është në rolin e një pretendenti për një vend. Ai duhet të bëjë më të mirën për roli i tij. Leon pati një fund zhgënjyes të sezonit. Nisur nga statusi i tij, presim shumë prej tij. Ka shumë konkurrencë”.

“Mane ka një kontratë dhe dëshiron të qëndrojë dhe ne e respektojmë këtë. Megjithatë, kjo është vetëm dita e parë e stërvitjes dhe shumë gjëra mund të ndodhin në futboll”, shtoi Tuchel për rastin me Sadio Mane.

B.T (Dosja.al)