Politike

“Nuk tërhiqem deri sa të kem frymë”, Maliqi përballet në gjykatë me Salillarin (VIDEO)

Maliqi deklaroi sot se do të përballet me oligarkun Salillari i vetëm në Gjykatën e rrethit gjyqësor Berat, ndërsa paralajmëroi se nuk do të tërhiqet nga beteja politike.

13 Korrik 2023, 16:10 Nga DOSJA
“Nuk tërhiqem deri sa të kem frymë”, Maliqi
Lefter Maliqi

TIRANË-Lefter Maliqi, kandidat i koalicionit "Bashkë Fitojmë" për Kuçovën, ka shkuar këtë të enjte në Gjykatën e Rrethit Gjyqësor Berat, për tu përballur me Pëllumb Salillarin. Maliqi deklaroi sot se do të përballet me oligarkun Salillari i vetëm në Gjykatën e rrethit gjyqësor Berat, ndërsa paralajmëroi se nuk do të tërhiqet nga beteja politike. Ai tha më tej se beteja ligjore do vijojë kundër abuzimeve, tenderave korruptivë, dëmtimit të kodrave e lumenjve etj.

"Edhe i vetëm trim në luftë! Përballje ligjore në “Gjykatën e Rrethi Gjyqësor, Berat”, përballë Oligarkut ish/fatorinos Salillari pengmarrës i Hajdarit. S’ka kthim pas! Beteja politike e ligjore kundër abuzimeve, tenderave korruptivë, asfaltit dhe çakullit elektoral, dëmtimit të kodrave e lumenjëve, dhunës së banorëve të Sinecit, shtesave të pallatit pa leje etj. etj. Me 102 dëshmitarë, me 3 kallëzime në SPAK dhe nuk tërhiqem deri sa të kem frymë, kundër këtij Oligarku të pangopur dhe të pashpirt! Derisa paraja i tij të mos blejë më drejtësinë dhe të mos arrijë të korruptojë këdo! Fati dhe fundi i tij dihet, bashkë me shokët Gjushi, Gjici, Bllako, Tahiri dhe Koka ose arratinë si Beni ecen vet (Ahmetaj)!"

Sondazh

Poll