Politike

"Do e shqyrtojmë javën që vjen"/ Mbledhja e Këshillit të Mandateve ka nisur me debate, Bardhi-Nikollës: Boll zvarritët çështjen, po bashkëpunoni në krim

Kryetarja e Kuvendit, Lindita Nillolla ka kërkuar çështja të shqyrtohet javën e ardhshme, ndërkohë që menjëherë ka nxitur reagimin e deputetit të Partisë Demokratike, Gazment Bardhi.

12 Korrik 2023, 16:23 Nga k.m.
"Do e shqyrtojmë javën që vjen"/ Mbledhja e
Gazment Bardhi

TIRANË- Ka nisur me debate mbledhja e Këshillit të Mandateve. Kryetarja e Kuvendit, Lindita Nillolla ka kërkuar çështja të shqyrtohet javën e ardhshme, ndërkohë që menjëherë ka nxitur reagimin e deputetit të Partisë Demokratike, Gazment Bardhi, i cili e ka akuzuar se do t'i japë kohë kolëgut të saj që t'i fshihet drejtësisë.

"Po bashkëpunoni në krim, mos i jeni më shumë kohë Arben Ahmetajt që të fshihet. Boll e zvarritët çështjen. Të përfshihet në Rend Dite të seancës plenare të ditës së nesërme dhe të japim autorizimin prokurorisë që të veprojë. Mos pengoni drejtësinë. Opozita e ka gati raportin; të veprojmë pa asnjë vonesë, të shqyrtojmë e miratojmë nesër,"-tha Bardhi si kundërpërgjigje ndaj Nikollës.

Prokuroria e Posaçme Kundër Korrupsionit, SPAK ka dorëzuar në Kuvendin e Shqipërisë kërkesën për arrestimin e ish-ministrit të Financave Arben Ahmetaj. Kërkesa mban datën 7 korrik 2023 dhe është firmosur nga kreu i SPAK, Altin Dumani. SPAK kërkon lejen për të kontrolluar banesën e deputetit apo edhe për të kontrolluar tabulatet e tij telefonike. Që të ekzekutohet kjo kërkesë do duhet që të jepet leja nga Kuvendi dhe për këtë po zhvillohet mbledhja e Këshillit të Mandateve. Mbledhja nisi ditën e djeshme në orën 16:00 dhe zgjati 4 orë, por mes debateve po vazhdon edhe sot. Vetë Ahmetaj nuk po merr pjesë në mbledhje, pasi nuk ndodhet në Shqipëri. Sipas avokatëve të tij, ai mungon për shkaqe familjare. 

gazment bardhi arben ahmetaj ne spak

Sondazh

Poll

MË SHUMË