Sport

MARREVESHJA! Juventus bën ‘harikiri’ Conference League, për t’iu shpëtuar sanksioneve të UEFA-s në të ardhmen…

Kështu heq dorë nga një kompeticion që nuk e josh, me kusht që të mos penalizohet më nga UEFA vonë nëse rikthehet në Champions.

9 Korrik 2023, 16:15 Nga DOSJA
MARREVESHJA! Juventus bën ‘harikiri’ Conference League,

ITALI - Juventus ka arritur një marrëveshje me UEFA-n për t'u përjashtuar këtë sezon nga të gjitha kompeticionet evropiane, kështu që ata nuk do të luajnë në Conferenca League, dhe kështu mendohet se do të mbyllet dosja e saj dhe nuk do të kenë më sanksione nga sezoni 2024-25 për bardhezinjtë, sipas “Il Corriere dello Sport”.

Me këtë masë, Juve heq dorë nga kompeticioni i tretë kontinental, për të cilin është klasifikuar, për t'u siguruar që të mos ketë një sanksion më vonë dhe të mos luajë në Champions League, nëse bardhezinjtë e sigurojnë këtë të drejtë për sezonin e ardhshëm.

Sanksioni ndaj Juventusit vjen për 'rastin e fitimeve kapitale'. Drejtuesit e klubit ndryshuan vlerën reale të futbollistëve të tyre në merkato për të qenë të qëndrueshëm në ekuilibrat e tyre ekonomikë dhe për të mos u ndëshkuar për tejkalimin e "Fair Play Financiar" të famshëm të UEFA-s.

B.T (Dosja.al)

Sondazh

Poll

MË SHUMË