Bota

SKANDAL në BBC, prezantuesi i njohur përballet me akuza seksuale

Prezantuesi dyshohet se i ka dhënë një të riu 45.000 dollarë për tu fotografuar, duke filluar nga viti 2020 kur i riu ishte 17 vjeç.

9 Korrik 2023, 07:50 Nga A.B
SKANDAL në BBC, prezantuesi i njohur përballet me akuza seksuale
BBC

BRITANI E MADHE- Një prezantues i njohur i BBC-së, identiteti i të cilit nuk është bërë i ditur, është pezulluar nga detyra, pas përfshirjes në një skandal seksual. 

Ai akuzohet se ka paguar një fëmijë për foto seksuale. Mediat e huaja shkruajnë se prezantuesi dyshohet se i ka dhënë një të riu 45.000 dollarë për tu fotografuar, duke filluar nga viti 2020 kur i riu ishte 17 vjeç.

Nëna e të riut ishte ankuar në BBC në muajin maj, por prezantuesi vijonte që të qëndronte në punë. BBC tha në një deklaratë të dielën se "për herë të parë u vu në dijeni për një ankesë në maj", por se "akuza të reja na u paraqitën të enjten të një natyre tjetër".

Transmetuesi tha se "BBC i merr seriozisht çdo akuzë dhe ne kemi procese të brendshme të fuqishme, për t'u marrë në mënyrë proaktive me akuza të tilla". BBC shton se kishte qenë gjithashtu në kontakt me "autoritetet e jashtme", por nuk specifikoi nëse ishte policia.

“BBC po punon sa më shpejt që të jetë e mundur për të vërtetuar faktet, në mënyrë që të informojë siç duhet hapat e ardhshëm të duhur”.

“Ne gjithashtu mund të konfirmojmë se një anëtar mashkull i stafit është pezulluar".

Sekretarja e Kulturës, Lucy Frazer, zhvilloi bisedime me drejtorin e përgjithshëm të transmetuesit në lidhje me ato që ajo i quajti akuza "thellësisht shqetësuese". Ajo tha se Drejtori i Përgjithshëm, Tim Davie, e kishte siguruar që BBC-ja "po hetonte me shpejtësi dhe me ndjeshmëri".

“Duke pasur parasysh natyrën e akuzave, është e rëndësishme që BBC-së t'i jepet hapësira për të kryer hetimin e saj, për të vërtetuar faktet dhe për të ndërmarrë veprimet e duhura. Do të jem e përditësuar”, ka shkruar ajo në rrjetet sociale.

 

skandali ne bbc

Sondazh

Poll

MË SHUMË