Sport

Nuk befasoi vetëm Sylvinhon, por edhe trajnerët e Serisë A, mbrojtësi shqiptarë nën vëzhgimin e Italianëve

Mësohet se për Mitajn ka sirena nga Seria A. Emri i ekipit që ka shfaqur dëshirën dhe po e ndjek me vëmendje këtë lojtar nuk bëhet ende i ditur, por zhvillime të reja mund të kemi në vazhdimësi.

8 Korrik 2023, 19:19 Nga DOSJA
Nuk befasoi vetëm Sylvinhon, por edhe trajnerët e Serisë A,

TIRANE - Mario Mitaj i bindi të gjithë te Shqipëria me dy ndeshjet e zhvilluara me fanellën e Kombëtares. Megjithëse 19-vjeç, mbrojtësi i krahut të majtë luajti si një veteran i vërtetë me shumë leksione për të dhënë. Aktualisht Mitaj është pjesë e Lokomotivës së Moskës. Rusët do ta transferonin këtë lojtar nga AEK i Athinës dhe jo më kot paguan 3 milionë euro për 19-vjeçarin.

Mësohet se për Mitajn ka sirena nga Seria A. Emri i ekipit që ka shfaqur dëshirën dhe po e ndjek me vëmendje këtë lojtar nuk bëhet ende i ditur, por zhvillime të reja mund të kemi në vazhdimësi. Nga ana tjetër Mitaj ka treguar se i përballon nivelet e larta pasi ka debutuar që 17-vjeç në elitën e futbollit të Greqisë dhe ka luajtur për disa minuta në Europa League po në atë moshë të hershme.

B.T (Dosja.al)

Sondazh

Poll

MË SHUMË