Bota

Marrja në pyetje e një dëshmitari, Apeli rrëzon ankesën e avokatëve në Hagë

Bëhet fjalë për një ankesë që lidhet me marrjen në pyetje të një dëshmitari dhe deklaratat e mëparshme të tij.

6 Korrik 2023, 12:18 Nga a.l
Marrja në pyetje e një dëshmitari, Apeli rrëzon ankesën
Gjyqi në Hagë

HAGË-  Gjykata e Apelit ka rrëzuar edhe një ankesë që ka ardhur nga avokatët e krerëve të UÇK-së në Hagë. Bëhet fjalë për një ankesë që lidhet me marrjen në pyetje të një dëshmitari dhe deklaratat e mëparshme të tij. Apeli ka rrëzuar gjithashtu edhe paraqitjen e një dokumenti, i cili nuk është pranuar si provë gjatë marrjes në pyetje. 

Trupi gjykues fillimisht nuk i kishte pranuar këto kërkesa nga avokatët, të cilët iu drejtuan Apelit në Hagë. Megjithatë, vendimin e njëjtë e ka marrë edhe Gjykata e Apelit.

Kjo e fundit e ka rrëzuar në tërësi ankesën e avokatëve, duke arsyetuar se vendimi i tyre nuk ndikon në të drejtat e të akuzuarve për gjykim të drejtë e të barabartë. Për shkak se seancat në shumicë kanë qenë private, nuk dihet se për cilin dëshmitar bëhet fjalë. 

gjyqi ne hage

Sondazh

Poll

MË SHUMË