Bota

Lista Serbe kërkon që Policia e Kosovës të shpallet organizatë terroriste, Daçiç: Mesazh politik! Shteti serb të reagojë 

Kërkesa e Listës Serbe vjen disa ditë pasi Qeveria e Kosovës shpalli “Mbrojtjen Civile” dhe “Brigadën e Veriut”  dy organizata që besohet se veprojnë në veri të Kosovës – organizata terroriste.

3 Korrik 2023, 18:59 Nga a.l
Lista Serbe kërkon që Policia e Kosovës të shpallet
Ivica Daçiç

SERBI- Ministri i Punëve të Jashtme të Serbisë, Ivica Daçiç, ka vlerësuar se kërkesa e Listës Serbe drejt Qeverisë së Serbisë për shpalljen e njësive speciale të Policisë së Kosovës si organizatë terroriste është një mesazh politik që kërkon një reagimi nga shteti i Serbisë.

Daçiç tha për televizionin B92 më 3 korrik se qëllimi i Prishtinës është që disa organizata të caktuara nga veriu i Kosovës të shpallen “terroriste”, për të shkaktuar frikë dhe shpërngulje të serbëve nga ajo zonë. 

“Kjo hap gjuetinë për serbët, ata mund të shpallin terroristë të gjithë njerëzit tanë në veri të Kosovës”, tha Daçiç.

Kërkesa e Listës Serbe vjen disa ditë pasi Qeveria e Kosovës shpalli “Mbrojtjen Civile” dhe “Brigadën e Veriut”  dy organizata që besohet se veprojnë në veri të Kosovës – organizata terroriste. Dy organizatat numërojnë qindra pjesëtarë nga radhët e komunitetit serb.

ivica daçiç tensione në veri të kosovës

Sondazh

Poll

MË SHUMË