Politike

Lirimi i 3 policëve të rrëmbyer, Rama: Me Michel ishim të një mendje, lirimi ishte një lajm i mirë

Po ashtu Rama ka shtuar se duhet de-eskalim të menjëhershëm të tensioneve nga të dyja palët.

26 Qershor 2023, 17:24 Nga I.A
Lirimi i 3 policëve të rrëmbyer, Rama: Me Michel ishim të
Edi Rama dhe Charles Michel

BRUKSEL- Kryeministri Edi Rama ka reaguar pas takimit me Presidentin e Këshillit Europian, Charles Michel në lidhje me takimin për situatën në veri të Kosovës. Me anë të një postimi në Tëitter, Rama ka shkruar se ishte në një mendje me Michel se lirimi është një lajm i mirë. Po ashtu Rama ka shtuar se duhet de-eskalim të menjëhershëm të tensioneve nga të dyja palët.

Postimi i PLotë:

Me Presidentin e Këshillit Europian, Charles Michel, ishim të një mendje se lirimi i tre policëve të Kosovës sot ishte një lajm shumë i mirë, megjithëse i vonuar! Domosdoshmëria e de-eskalimit të menjëhershëm, e cila është rruga e duhur drejt fazës finale të Dialogut për Marrëveshjen e Normalizimit mes Kosovës e Serbisë, duhet kuptuar qartë nga të dyja palët edhe si një detyrim madhor ndaj krejt rajonit, i cili nuk mund të merret peng nga askush.

Tre policët u morën peng në veri dhe janë liruar sot. Rifat Zeka, Beqir Sefi dhe Mustafë Shemi, u rrëmbyen nga forcat serbe më 14 qershor brenda territorit të Kosovës dhe deri më sot u mbajtën në paraburgim në Serbi në qytetin e quajtur Krelavë. 

edi rama charles michel tensione në veri të kosovës

Sondazh

Poll