Bota

Rebelimi i 'Wagner'/ Vuçiç: Prigozhin tentoi 'thikë pas shpine', Putin e ndaloi me qëndrimin e tij të fortë

Vuçiç kritikoi gjithashtu veprimet e grupit Wagner si një thikë pas shpine për vendin e tyre.

26 Qershor 2023, 10:38 Nga a.l
Rebelimi i 'Wagner'/ Vuçiç: Prigozhin tentoi
Aleksandër Vuçiç

SERBI- Presidenti serb Aleksandër Vuçiç e ka cilësuar qëndrim të fortë, kundërpërgjigjen e presidentit rus Vladimir Putin ndaj kryengritjes së shkurtër të udhëhequr nga shefi i Wagner, Yevgeny Prigozhin. Presidenti serb tha në një intervistë në televizionin Pink, një rrjet privat serb, se Putin ishte ai që ndaloi kryengritjen dhe i përshkroi veprimet e tij si të mprehta dhe vendimtare. Vuçiç kritikoi gjithashtu veprimet e grupit Wagner si një thikë pas shpine për vendin e tyre, shkruan CNN. 

"Ata thanë se ne kemi njerëz të korruptuar në filan vende, gjë që është kryesisht e vërtetë. Por a është kjo një arsye për t'i goditur pas shpine vendit tuaj, në momentin e tij më të vështirë? Sigurisht që jo, por ata e bënë gjithsesi. Ata menduan se mund të iknin me të. Ata besuan se Putini nuk do të ndërhynte dhe [Putini] personalisht me deklaratën e tij dhe qëndrimin e tij të fortë, e ndaloi atë. Putin tani ka një detyrë shumë të vështirë, dhe kjo është të rrisë motivimin e ushtrisë dhe besimin e numrit të madh të ushtarëve të zhgënjyer Wagner. Dhe asgjë nga këto nuk do të jetë e lehtë," tha presidenti të dielën, duke iu referuar grupit Wagner dhe kundërshtarëve të Putinit. 

Siç është raportuar, më 23 qershor, Yevgeny Prigozhin, udhëheqësi i Grupit ëagner, njoftoi një demarsh kundër udhëheqjes ushtarake ruse, veçanërisht kundër ministrit të Mbrojtjes Sergei Shoigu. Ai pretendoi se ushtria e tij mori kontrollin e Rostov-on-Don dhe një pjesë të rajonit të Voronezh, pas së cilës mercenarët e ëagner filluan të niseshin drejt Moskës.

aleksander vucic

Sondazh

Poll

MË SHUMË