Bota

Tentoi 'grusht' shteti/ Ish-drejtori i CIA-s: Prigozhin tani duhet të jetë shumë i kujdesshëm me 'dritaret' që i hapen

Yevgeny Prigozhin ishte përfshirë në një kryengritje kundër qeverisë ruse të udhëhequr nga Vladimir Putin gjatë fundjavës.

26 Qershor 2023, 10:28 Nga a.l
 
Tentoi 'grusht' shteti/ Ish-drejtori i CIA-s: Prigozhin tani duhet
Yevgeny Prigozhin

RUSI-  Gjenerali në pension i ushtrisë amerikane dhe ish-shefi i Agjencisë Qendrore të Inteligjencës (CIA), David Petraeus, paralajmëroi kreun e grupit mercenar rus Wagner, Yevgeny Prigozhin të jetë shumë i kujdesshëm me mundësitë që i ofrohen pasi tentoi të formonte grusht shteti, të cilin presidenti rus e quajti 'tradhëtar' dhe do të merrte masa. Yevgeny Prigozhin ishte përfshirë në një kryengritje kundër qeverisë ruse të udhëhequr nga Vladimir Putin gjatë fundjavës. Kryengritja u ndërpre brenda një dite pasi mercenarët e grupit Wagner marshuan në qytetin rus të Rostovit, shkruajnë mediat e huaja. 

"Prigozhin e mbajti jetën, por humbi grupin e tij Wagner dhe ai duhet të jetë shumë i kujdesshëm rreth dritareve të hapura në mjedisin e tij të ri në Bjellorusi, ku po shkon," tha Petraeus gjatë një programi në kanalin amerikan të lajmeve CNN.

Shefi i ushtrisë private Wagner, Yevgeny Prigozhin shtoi tensionet me drejtuesit e lartë ushtarakë të Rusisë të premten mbi mosmarrëveshjet se si po zhvillohet lufta në Ukrainë. Prigozhin lëshoi ​​një seri regjistrimesh audio në Telegram, duke akuzuar udhëheqjen ushtarake të Rusisë për vrasjen e forcave të tij. Shefi i grupit Wagner urdhëroi trupat e tij të marshonin drejt Moskës për të kërkuar "hakmarrje". 

yevgeny prigozhin david petraeus

Sondazh

Poll