Politike

Arrestimi i Gjicit, flet avokati i tij: Nuk e pranojmë akuzën, tenderi ka qenë vetëm bisedë

Kulluri ka shtuar se vepra e Gjicit është morale dhe se për të ka dhënë dorëheqjen.  

24 Qershor 2023, 20:36 Nga I.A

Arrestimi i Gjicit, flet avokati i tij: Nuk e pranojmë akuzën, tenderi

TIRANË- Avokati i Safet Gjicit Përparim Kulluri ka deklaruar se ata nuk kanë për ta pranuar akuzën për “korrupsion pasiv”.  Duke folur për mediat Kulluri është shprehur se vepra penale nuk është konsumuar por ka qenë vetëm një bisedë mes tyre. Kulluri ka shtuar se vepra e Gjicit është morale dhe se për të ka dhënë dorëheqjen.  

“Ne nuk e pranojmë akuzën pasi çdo veprim i tij është shumë i dënueshme moralisht. Nuk ka asnjë vepër penale. Vepra penale nuk është kryer nuk është shpallur asnjë tender. Pra vepra penale nuk është konsumuar ajo ka qenë një bisedë pas aktit ku vajza thotë që ka një projekt dhe konsumon një bisedë me Gjicin por nuk ka asnjë vendim në lidhje me këtë projekt që të jetë marrë nga bashkia. Sot i është komunikuar akuza pas tre ditësh do të merret vendimi se si do vijojë procedura për Gjicin gjatë kësaj kohe do të qëndroj në paraburgim. Kërkesa jonë është që të ndiqet në gjendje të lirë sepse nuk ka vepër penale në fakt as nuk duhet të ndiqet fare penalisht. Është një vepër morale për të cilën ka dhënë dorëheqjen," tha Kulluri.

Kryebashkiaku i dorëhequr i Kukësit Safet Gjici u vu nën hetim nga SPAK në 16 qershor, pas publikimit të video-skandalit ku ai shfaqej duke kryer marrëdhënie seksuale në zyrën e tij në Bashki. Në videon e publikuar të skandalit seksual, Gjici u dëgjua teksa i premtoi një tender për vaksinimin e qenëve në Kukës, Alma K. vajzës me të cilën po kryebte marrëdhënie seksuale. Dosja.al, e posedon video-skandalin e Gjicit, por për arsye etike nuk e kemi publikuar në media. 

safet gjici arrestohet safet gjici videoja e safet gjicit përparim kulluri

Sondazh

Poll

MË SHUMË