Aktualitet

Abuzimet në Autoshkolla me dhënien e lejeve të drejtimit/ Pezullohet aktiviteti i 10 bizneseve, dy instruktorë ndalohen të ushtrojnë profesionin

DPSHTRR ka dërguar 3 propozime për heqje License Autoshkolle pranë QKB dhe një propozim për largim nga detyra për një Përgjegjës Sektori Leje Drejtimi.

24 Qershor 2023, 15:17 Nga k.m.
Abuzimet në Autoshkolla me dhënien e lejeve të drejtimit/
Foto ilustruese

TIRANË- 13 autoshkollave u është pezulluar aktiviteti, ndërsa dy instruktorë janë ndaluar të ushtrojnë profesionin, pas shkeljeve të gjetura në dhënien e lejeve të drejtimit. Pas kontrolleve në 70 Autoshkolla të Tiranës gjatë muajit prill dhe maj, Drejtoria e Përgjithshme e Shërbimeve të Transportit Rrugor ka konstatuar 66 subjekte me 185 raste mangësish.

DPSHTRR ka dërguar 3 propozime për heqje License Autoshkolle pranë QKB dhe një propozim për largim nga detyra për një Përgjegjës Sektori Leje Drejtimi. Po ashtu, është dhënë një masë e rëndë disiplinore për një Specialist Regjistrimi Mjeti, Tiranë, për shkelje në lëshimin e Lejes së Qarkullimit për një mjet Autoshkolle!

DPSHTRR liston mangësitë kryesore të evidentuara gjatë kontrolleve dhe u bën thirrje kursantëve që të denoncojnë çdo parregullsi: Rregullore të pa përditësuara; Tabela keqinformuese! Autoshkolla reklamon për kategori Leje Drejtimi që nuk është e licensuar si aktivitet; Regjistrat teori/praktikë të pa azhurnuara; Amza e pa protokolluar pranë DRSHTRR-ve; Klasa të pa pajisura sipas kritereve; Tabelat e mjetit autoshkollë jashtë standardi; Ambienti jo i rregullt/jofunksional; Autorizime mjeti dhe instruktorësh të skaduara; parregullsi teknike. 

dpshtrr

Sondazh

Poll

MË SHUMË