Aktualitet

Ekzekutoi babë e bir në Elbasan/ Gjykata i komunikon masën arrest me burg Jorgo Lekut

44 vjeçari i njohur edhe me emrin Olsi Leka dhe me një tjetër identitet grek, u dënua në mungesë në prill të këtij viti, bashkë me Ardjan Çapjan dhe Florenc Çapjan.

17 Qershor 2023, 11:01 Nga A.B
Ekzekutoi babë e bir në Elbasan/ Gjykata i komunikon masën arrest
Viktimat

TIRANË- Gjykata e Posaçme i ka komunikuar masën e sigurisë arrest në burg 44 vjeçarit Jorgo Leku, i dënuar përjetësisht në mungesë nga po e njëjta gjykatë për vrasjen e babë e bir në Elbasan në 2012-ën, Nezir e Gentjan Beqirit.

Ai u ekstradua dy ditë më parë nga Greqia. 44 vjeçari i njohur edhe me emrin Olsi Leka dhe me një tjetër identitet grek, u dënua në mungesë në prill të këtij viti, bashkë me Ardjan Çapjan dhe Florenc Çapjan.

Dosja e vrasjes së babë e bir po hetohej nga Prokuroria e Elbasanit, por më pas kaloi në SPAK, pasi të akuzuarit kanë vepruar si grup i strukturuar kriminal.

Pasi Gjykata e Shkallës së Parë dha vendimin, çështja është ankimuar në Apel. Gjykata e Posacme dënoi me 15 vite heqje lirie bashkëpunëtorin e drejtësisë Ervis Bardhin që mori edhe pjesë në krimin e ndodhur 11 vite më parë. Nga 25 vite burgim u dha për Klaidi Dokoli dhe Etien Çani.

jorgo leku nezir beqiri gentjan beqiri

Sondazh

Poll

MË SHUMË